సాఫ్ట్ బాల్ ఆసోసియేషన్ సేవలు అభినందనీయం
: డాక్టర్ పావుశెట్టి శ్రీధర్
కాకతీయ, హనుమకొండ : ఉమ్మడి వరంగల్ జిల్లా సాఫ్ట్ బాల్ ఆసోసియేషన్ సేవలు అభినందనీయమని అంజన హోమియో కేర్ ఆసుపత్రి అధినేత, ప్రముఖ హోమియోపతి వైద్యులు డాక్టర్ పావుశెట్టి శ్రీధర్ కొనియాడారు. హనుమకొండలోని ఇండోర్ స్టేడియంలో శనివారం నిర్వహించిన మినీ సబ్ జూనియర్ రాష్ట్రస్థాయి జట్టు అభినందన కార్యక్రమంలో ఆయన ముఖ్య అతిథిగా పాల్గొని మాట్లాడారు. ఉమ్మడి వరంగల్ జిల్లా సాఫ్ట్ బాల్ అసోసియేషన్ వ్యవస్థాపకులు డాక్టర్ పిల్లి సాంబశివరావు, సెక్రెటరీ తాబేటి రాజేందర్, ఉపాధ్యక్షులు పెరుమాండ్ల సాంబమూర్తి, కోశాధికారి వెంకటేశ్వర్లు, సీనియర్ క్రీడాకారులు సాఫ్ట్బాల్ క్రీడాభివృద్ధికి అహర్నిశలు కృషి చేశారని తెలిపారు. నిజామాబాద్ జిల్లాలో ఈనెల 11, 12 వ తేదీల్లో జరిగిన రాష్ట్ర స్థాయి పోటీల్లో హనుమకొండ జిల్లా జట్టు ప్రతిభను కనబరిచి జాతీయ స్థాయికి ఎదగాలని కోరారు. అంతకుముందు హనుమకొండ జిల్లా సాఫ్ట్ బాల్ అసోసియేషన్ సెక్రటరీ రాజేందర్ ఆధ్వర్యంలో క్రీడాకారులకు క్రీడా దుస్తులను పంపిణీ చేశారు. ఈ కార్యక్రమంలో అసోసియేషన్ ఉపాధ్యక్షులు పెరుమాండ్ల సాంబమూర్తి, జాయింట్ సెక్రటరీ సుమలత, కోచ్ పోలేపాక వినయ్ కుమార్, ఆసోసియేషన్ ప్రతినిధులు అర్జున్, రాజేశ్వర్, ఫిజికల్ డైరెక్టర్లు ఏ. సృజన, శోభ, తాబేటి నాగరాజు, సీనియర్ క్రీడాకారులు పవన్, తల్లిదండ్రులు పాల్గొన్నారు
