లో వోల్టేజీతో రైతులకు కష్టాలు!
పంటలు ఎండిపోతున్నా పట్టించుకోని ప్రభుత్వం
24 గంటల నాణ్యమైన విద్యుత్‌ సరఫరా చేయాలి
బీజేపీ మండల అధ్యక్షుడు మొకిలే విజేందర్‌ డిమాండ్‌
కాకతీయ, చందుర్తి : విద్యుత్‌ సరఫరా సక్రమంగా లేకపోవడం, లో వోల్టేజీ సమస్యలతో సాగునీరు అందక రైతులు తీవ్ర ఇబ్బందులు ఎదుర్కొంటున్నారని బీజేపీ మండల అధ్యక్షుడు మొకిలే విజేందర్‌ అన్నారు. రైతుల సమస్యలను పరిష్కరించి 24 గంటల నాణ్యమైన విద్యుత్‌ సరఫరా చేయాలని డిమాండ్‌ చేస్తూ బుధవారం చందుర్తి మండల కేంద్రంలో బీజేపీ ఆధ్వర్యంలో రాస్తారోకో నిర్వహించి, తహసీల్దార్‌కు వినతిపత్రం అందజేశారు. తక్కువ వోల్టేజీ కారణంగా వ్యవసాయ మోటార్లు, స్టార్టర్లు, వైరింగ్‌ కాలిపోతున్నాయని, దీంతో రైతులు ఆర్థికంగా నష్టపోతున్నారని విజేందర్‌ ఆవేదన వ్యక్తం చేశారు. మండలంలోని గొలుసుకట్టు చెరువుల్లో నీరు లేక సాగునీటి సమస్య మరింత తీవ్రమైందని, పంటలను కాపాడుకునేందుకు రైతులు ఇబ్బందులు పడుతున్నారని తెలిపారు. ముఖ్యమంత్రి రేవంత్‌రెడ్డి ఇచ్చిన హామీలను నెరవేర్చడంలో ప్రభుత్వం విఫలమైందని విమర్శించారు. రైతుల సమస్యలను వెంటనే పరిష్కరించి నిరంతరాయంగా నాణ్యమైన విద్యుత్‌ సరఫరా చేయాలని డిమాండ్‌ చేశారు. ప్రభుత్వం స్పందించకపోతే రైతులకు మద్దతుగా బీజేపీ ఆధ్వర్యంలో పెద్ద ఎత్తున ప్రజా ఉద్యమం చేపడతామని హెచ్చరించారు. ఈ కార్యక్రమంలో బీజేపీ సీనియర్‌ నాయకులు అల్లాడి రమేష్‌, జిల్లా ప్రధాన కార్యదర్శి సిరికొండ శ్రీనివాస్‌, జిల్లా ఉపాధ్యక్షుడు మార్త సత్తయ్య, మండల ప్రధాన కార్యదర్శులు మర్రి మల్లేశం, మూడపెళ్లి ముఖేష్‌, చిలుమల హనుమయ్య చారి, పత్తిపాక శ్రీనివాస్‌, ఎగుమటి శ్రీనివాస్‌రెడ్డి, మారుపాక దేవయ్య, హాజీమెరా రవినాయక్‌, యువ మోర్చా మండల అధ్యక్షుడు మోత్కుపల్లి రాజశేఖర్‌, కిసాన్‌ మోర్చా అధ్యక్షుడు చింతకుంట సాగర్‌, దళిత మోర్చా మండల అధ్యక్షుడు పాటి సుధాకర్‌, మండల కార్యదర్శి ఎగోలపు గణేష్‌తో పాటు బుర్ల రెడ్డి, రాజు, సురేష్‌, జలగం శ్రీనివాస్‌, మేఘన రావు, పొన్నాల మహేందర్‌, వెంకటేష్‌, అయోధ్య పర్షాములు, తిరుపతి, ఎల్లయ్య, నవీన్‌, కృష్ణస్వామి, సింగం రాకేష్‌, ప్రమోద్‌, శేఖర్‌, రంబాబు తదితర బీజేపీ నాయకులు, కార్యకర్తలు పాల్గొన్నారు.
