పోలీస్‌ కమిషనరేట్‌లో ఘనంగా దసరా వేడుకలు
ఆయుధ, జమ్మి, వాహన పూజల్లో పాల్గొన్న సీపీ గౌష్ ఆలం
కాకతీయ, కరీంనగర్: కరీంనగర్ పోలీస్‌ కమిషనరేట్‌ కేంద్రంలోని పోలీస్‌ హెడ్‌క్వార్టర్స్‌లో దసరా వేడుకలను ఘనంగా నిర్వహించారు. పండుగ సందర్భంగా నిర్వహించిన ఆయుధ, జమ్మి, వాహన పూజల్లో పోలీస్‌ కమిషనర్‌ గౌష్ ఆలం పాల్గొన్నారు. ఈ సందర్భంగా ఆయన మాట్లాడుతూ కమిషనరేట్‌ పరిధిలోని ప్రజలు, పోలీసు అధికారులు, సిబ్బందికి దసరా శుభాకాంక్షలు తెలిపారు. ప్రజలంతా ఆయురారోగ్యాలతో, సుఖసంతోషాలతో ఉండాలని ఆకాంక్షించారు. కార్యక్రమంలో అడిషనల్‌ డీసీపీ వెంకటరమణ, రిజర్వు ఇన్‌స్పెక్టర్లు జానీమియా, శ్రీధర్‌రెడ్డి, కిరణ్‌కుమార్‌తో పాటు పలువురు పోలీసు అధికారులు, సిబ్బంది పాల్గొన్నారు.
