తల్లి బిడ్డ క్షేమం కోసం అంగన్వాడి సేవలు వినియోగించుకోవాలి
:సిడిపిఓ శిరీష
కాకతీయ, ఇనుగుర్తి: తల్లి బిడ్డల క్షేమం కోసం అంగన్వాడి సేవలు వినియోగించుకోవాలని సిడిపిఓ శిరీష అన్నారు. బుధవారం ఇనుగుర్తి రైతు వేదికలో పోషణ మాసం ప్రోగ్రాం నిర్వహించారు ఈ సందర్భంగా శిరీష, మెడికల్ ఆఫీసర్ సురేష్ దిశా కమిటీ మెంబర్ బాబురావు లు మాట్లాడుతూ పోషణ మాసంలో కార్యక్రమాలు నిర్వహించి తల్లులకు ఆరోగ్యం పట్ల అవగాహన కల్పిస్తున్నామని అన్నారు. గర్భిణీలు బాలింతలు నెల నెల ఆరోగ్య పరీక్షలు చేయించుకోవాలి పిల్లలకు వ్యాధినిరోధక టీకాలు ఇప్పించాలని చెప్పారు. సఖి సెంటర్ శ్రావణి మాట్లాడుతూ మహిళలకు ఎలాంటి సమస్యలు ఉన్న సఖి సెంటర్ సేవలు వినియోగించుకోవాలని చెప్పారు. ఆడపిల్లలకి మగ పిల్లలకి వ్యత్యాసం లేకుండా కుటుంబంలో పిల్లలను పెంచాలని ఆడపిల్లల శాతం మహబూబాబాద్ జిల్లాలో చాలా తక్కువగా ఉందని, బి ఆర్ బి పిల్లలను అక్రమ దత్తత తీసుకోవడం చాలా నేరమని అలా చేసిన వారికి జైలు శిక్ష కూడా ఉంటుందని బాలరక్ష భవన్ కోఆర్డినేటర్ చైతన్య చెప్పడం జరిగింది.
ఈ కార్యక్రమంలో సిడిపిఓ శిరీష, ఏ సి డి పి ఓ కమలాదేవి,సూపర్వైజర్ దుర్గ, దిశా కమిటీ మెంబర్ బాబురావు, మెడికల్ ఆఫీసర్ సురేష్, హెల్త్ సూపర్వైజర్ సుదర్శన్ అంగన్వాడీ టీచర్లు ఏఎన్ఎం
ఆశాలు గర్భవతులు బాలింతలు తదితరులు పాల్గొన్నారు.
