సోమేశ్వరాల‌యం హుండీ ఆదాయం రూ.21.98 లక్షలు
రూ.21,98,507 నగదు.. మిశ్రమ బంగారం, వెండి సమర్పణ
విదేశీ కరెన్సీ కూడా హుండీలో వేసిన భక్తులు
ఆలయ ఈవో భాగం లక్ష్మీ ప్రసన్న వెల్లడి
కాకతీయ, పాలకుర్తి : పాలకుర్తి మండల కేంద్రంలోని స్వయంభూ శ్రీ సోమేశ్వర లక్ష్మీనర్సింహస్వామి ఆలయ హుండీ ఆదాయం రూ.21,98,507 సమకూరినట్లు ఆలయ ఈవో భాగం లక్ష్మీ ప్రసన్న తెలిపారు. 2026 మార్చి 24 నుంచి అక్టోబర్‌ 9 వరకు భక్తులు సమర్పించిన కానుకలను ఆలయ కల్యాణ మండపంలో శుక్రవారం లెక్కించారు. వల్మిడి శ్రీ సీతారామచంద్రస్వామి ఆలయ ఈవో వెంకట్‌రెడ్డి పర్యవేక్షణలో ఈ ప్రక్రియ నిర్వహించారు. నగదుతో పాటు 5 గ్రాముల 580 మిల్లీగ్రాముల మిశ్రమ బంగారం, 1 కిలో 359.740 గ్రాముల మిశ్రమ వెండి లభించాయి. విదేశీ కరెన్సీలో 230 అమెరికా డాలర్లు, 30 బ్రిటిష్‌ పౌండ్లు, 150 నేపాల్‌ రూపాయలు వచ్చినట్లు ఈవో వివరించారు. హుండీ లెక్కింపులో ఆలయ అర్చకులు, సిబ్బంది, శ్రీ సోమేశ్వర–రాజరాజేశ్వరి సేవా ట్రస్ట్‌ సభ్యులు, తెలంగాణ గ్రామీణ వికాస్‌ బ్యాంకు సిబ్బంది, స్థానిక పోలీసు సిబ్బంది పాల్గొన్నారు.
