కుటుంబ కలహాలతో వ్యక్తి బలవన్మరణం

కుటుంబ కలహాలతో వ్యక్తి బలవన్మరణం
కాకతీయ, రాయపర్తి: కుటుంబంలో తలెత్తిన విభేదాలతో ఓ వ్యక్తి బలవన్మరణానికి పాల్పడ్డాడు. ఈ విషాద ఘటన వరంగల్‌ జిల్లా రాయపర్తి మండలంలో చోటుచేసుకుంది. పోలీసులు తెలిపిన వివరాల ప్రకారం.. శివరాంపురం గ్రామానికి చెందిన కుక్కల ప్రశాంత్‌ (25)కు కాట్రపల్లి గ్రామానికి చెందిన వేల్పుగొండ రాధికతో 4 ఏళ్ల క్రితం వివాహమైంది. వీరికి మూడేళ్ల కుమార్తె ఉండగా, ప్రస్తుతం రాధిక 5 నెలల గర్భవతి. గత 3 నెలలుగా భార్యాభర్తల మధ్య మనస్పర్థలు కొనసాగుతున్నాయి. ఈ క్రమంలో భార్య పుట్టింటికి వెళ్లి తిరిగి కాపురానికి రాకపోవడంతో ప్రశాంత్‌ తీవ్ర మనస్తాపానికి గురైనట్లు పోలీసులు తెలిపారు. ఈ నేపథ్యంలో సోమవారం రాత్రి ఇంట్లో ఫ్యాన్‌కు ఉరివేసుకుని ప్రశాంత్‌ బలవన్మరణానికి పాల్పడ్డాడు. మృతుడి తల్లి కుక్కల కాంత ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై ముత్యం రాజేందర్‌ వెల్లడించారు.