మహిళలకు కుట్టు మిషన్ల పంపిణీ
పేద, నిరుద్యోగ మహిళల ఆర్థికాభివృద్ధే లక్ష్యం
జాతీయ ఎస్టీ కమిషన్‌ సభ్యుడు జాటోత్‌ హుస్సేన్‌ నాయక్‌
కాకతీయ, కేసముద్రం : పేద, నిరుద్యోగ మహిళలకు స్వయం ఉపాధి కల్పించి ఆర్థికంగా బలోపేతం చేయడమే లక్ష్యంగా కుట్టు మిషన్లు పంపిణీ చేసినట్లు నిర్వాహకులు తెలిపారు. కేసముద్రంలో హిందుస్థాన్‌ ఏరోనాటిక్స్‌ లిమిటెడ్‌ సంస్థ సామాజిక బాధ్యత నిధుల ద్వారా మహిళలకు కుట్టు మిషన్లు అందజేశారు. జాతీయ ఎస్టీ కమిషన్‌ సభ్యుడు జాటోత్‌ హుస్సేన్‌ నాయక్‌ చేతుల మీదుగా ఈ పంపిణీ కార్యక్రమం జరిగింది. కుట్టు మిషన్లతో మహిళలు స్వయం ఉపాధి పొందుతూ కుటుంబ ఆదాయానికి తోడ్పడే అవకాశం ఉంటుందని నిర్వాహకులు పేర్కొన్నారు. మహిళలు ఆర్థికంగా ఎదిగేందుకు ఇటువంటి కార్యక్రమాలు ఉపయోగపడతాయని తెలిపారు. ఈ కార్యక్రమంలో కేసముద్రం మండల అధ్యక్షుడు ఉప్పునూతల రమేష్‌, మున్సిపల్‌ కన్వీనర్‌ బోగోజు నాగేశ్వరచారి, సింగంశెట్టి మధుకర్‌, భారతీయ జనతా పార్టీ కార్యకర్తలు పాల్గొన్నారు.
