కరీంనగర్ డైరీ పాడి రైతులకు బోనస్ పంపిణీ
దసరా పండుగ కానుకగా 64 మంది రైతులకు రూ.33,290 అందజేత
కాకతీయ,శంకరపట్నం:దసరా పండుగను పురస్కరించుకుని కరీంనగర్ డైరీ ఆధ్వర్యంలో కన్నాపూర్ గ్రామ పరిధిలోని పాడి రైతులకు శుక్రవారం బోనస్ పంపిణీ చేశారు. కరీంనగర్ డైరీ అధ్యక్షుడు గోపు వీరారెడ్డి ఆధ్వర్యంలో నిర్వహించిన ఈ కార్యక్రమంలో అర్హులైన 64 మంది డైరీ సభ్యులు, పాడి రైతులకు కలిపి మొత్తం రూ.33,290 బోనస్‌గా అందజేసినట్లు ఆయన తెలిపారు. పాడి రైతులను ప్రోత్సహించడంతో పాటు వారి సంక్షేమానికి డైరీ కృషి చేస్తోందని ఈ సందర్భంగా పేర్కొన్నారు. ఈ కార్యక్రమంలో డైరీ డైరెక్టర్లు పిన్ రెడ్డి రాజిరెడ్డి, మహిపాల్ రెడ్డి, నాయిని నాగరాజు, నూనె ఐలయ్య, పిన్ రెడ్డి తిరుపతి రెడ్డి, పిన్ రెడ్డి శ్రీనివాస రెడ్డి, రెడ్డి కొమురయ్య, చుక్కల గట్టయ్య, నూనె అనిల్ తదితరులు పాల్గొన్నారు.
