దసరా ఉత్సవాలకు విస్తృత ఏర్పాట్లు
ప్రజలకు ఇబ్బందులు కలగకుండా సౌకర్యాల కల్పన
కేసముద్రం మున్సిపల్‌ చైర్‌పర్సన్‌ బానోత్‌ సునీత వెంకన్న
కాకతీయ, కేసముద్రం: కేసముద్రం మున్సిపాలిటీ పరిధిలో దసరా ఉత్సవాలను ఘనంగా నిర్వహించేందుకు ఏర్పాట్లు చేస్తున్నారు. పట్టణంలోని పొట్టి శ్రీరాములు సర్కిల్‌ (ఆర్‌ అండ్‌ బీ ఫ్లైఓవర్‌), జ్యోతిరావు పూలే సెంటర్‌ వద్ద చేపడుతున్న ఏర్పాట్లను మున్సిపల్‌ చైర్‌పర్సన్‌ బానోత్‌ సునీత వెంకన్న, వైస్‌ చైర్మన్‌ అల్లం రమ నాగేశ్వరరావు, పోలీసు అధికారి క్రాంతి కుమార్‌, వార్డు కౌన్సిలర్లు, ప్రజాప్రతినిధులు పరిశీలించారు. దసరా వేడుకలకు హాజరయ్యే ప్రజలకు ఎలాంటి ఇబ్బందులు కలగకుండా అవసరమైన సౌకర్యాలు కల్పిస్తున్నట్లు అధికారులు తెలిపారు. ఉత్సవాల సందర్భంగా ప్రజల భద్రత, సౌకర్యాలకు ప్రాధాన్యమిస్తూ అన్ని ఏర్పాట్లు చేస్తున్నట్లు పేర్కొన్నారు. వేడుకలను విజయవంతంగా నిర్వహించేందుకు సంబంధిత శాఖలు సమన్వయంతో పనిచేస్తున్నట్లు వెల్లడించారు.
