కుస్తీ పోటీల్లో దుగ్గొండి విద్యార్థినికి బంగారు పతకం
33 కేజీల విభాగంలో సహస్ర ప్రతిభ
ఢిల్లీలో జరిగే జాతీయ స్థాయి పోటీలకు అర్హత
కాకతీయ, దుగ్గొండి : తెలంగాణ రాష్ట్ర స్థాయి స్కూల్‌ గేమ్స్‌ కుస్తీ పోటీల్లో దుగ్గొండి మండల కేంద్రానికి చెందిన యాదగిరి సహస్ర బంగారు పతకం సాధించింది. నారాయణపేట జిల్లాలో ఈ నెల 11, 12, 13 తేదీల్లో నిర్వహించిన పోటీల్లో 33 కేజీల విభాగంలో పాల్గొని ప్రథమ స్థానంలో నిలిచింది. దీంతో వచ్చే నెల 25వ తేదీ నుంచి ఢిల్లీలో జరగనున్న జాతీయ స్థాయి కుస్తీ పోటీలకు అర్హత సాధించినట్లు వరంగల్ జిల్లా స్కూల్‌ గేమ్స్‌ కార్యదర్శి వాసుదేవరావు తెలిపారు. జాతీయ స్థాయి పోటీలకు ఎంపికైన సహస్రను జిల్లా రెజ్లింగ్‌ అసోసియేషన్‌ అధ్యక్షుడు శానబోయిన రాజ్‌కుమార్‌, జిల్లా ప్రధాన కార్యదర్శి యాదగిరి సుధాకర్‌, కోచ్‌ కందికొండ రాజు, దుగ్గొండి ఉన్నత పాఠశాల ప్రధానోపాధ్యాయుడు రామస్వామి, ఫిజికల్‌ డైరెక్టర్‌ ఐలయ్య, ములుగు జిల్లా కోచ్‌ సతీష్‌ తదితరులు అభినందించారు.
