కరెంటు కోతలు విధించొద్దని బీఆర్ఎస్ నిరసన
అప్రకటిత కోతలతో ఎండుతున్న పంటలు
కాలిన మోటార్లు, స్టార్టర్లతో రైతులకు నష్టం
నాణ్యమైన విద్యుత్‌ సరఫరా చేయాలని సర్పంచ్‌ రాయలి
:సర్పంచ్‌ రాయలి భవాని శేఖర్ డిమాండ్‌
కాకతీయ, నెల్లికుదురు : అప్రకటిత విద్యుత్‌ కోతలతో పంటలు ఎండిపోతున్నాయని, వెంటనే కోతలు ఎత్తివేసి నాణ్యమైన విద్యుత్‌ సరఫరా చేయాలని డిమాండ్‌ చేస్తూ రైతులు, బీఆర్ఎస్, బీజేపీ నాయకులు నిరసన చేపట్టారు. మహబూబాబాద్‌ జిల్లా ఇనుగుర్తి మండలం చిన్న ముప్పారం విద్యుత్‌ సబ్‌స్టేషన్‌ ఎదుట బైఠాయించి కాలిన మోటారును ప్రదర్శించారు. ఈ సందర్భంగా సర్పంచ్‌ రాయలి భవాని శేఖర్ మాట్లాడుతూ అప్రకటిత విద్యుత్‌ కోతలతో రైతుల పంటలు ఎండిపోతున్నాయని ఆవేదన వ్యక్తం చేశారు. నాణ్యమైన విద్యుత్‌ సరఫరా లేక వ్యవసాయ మోటార్లు, స్టార్టర్లు కాలిపోతున్నాయని, రైతులు ఆర్థికంగా నష్టపోతున్నారని అన్నారు. ప్రభుత్వం వెంటనే స్పందించి నిరంతర విద్యుత్‌ సరఫరా అందించాలని కోరారు. ఈ నిరసనలో ఉపసర్పంచ్‌ మల్లం ఐలయ్య, కాలేరు నేతాజీ, తాడబోయిన లింగయ్య, దేవేందర్‌, బిక్షపతి, కారుపోతుల సుమన్‌, నామాల మహేష్‌, బోళ్ల అనిల్‌, కాలేరు నందయ్య, చిన్నాల కట్టమల్లు, నర్రా అశోక్‌, భాషబోయిన ఉమేష్‌, శాలువా మల్లయ్య, కాలేరు ముతేశ్వర్లు, రాయల ఉప్పలయ్య, రాయలి గంగాధర్‌, గుండా వెంకన్న, నర్ర వీరన్న, తోడేటి మల్లయ్య, కాలేరు లక్ష్మీనరసు, కాలేరు రాజు, దస్తరి రాజమల్లు, కాలేరు మల్లికార్జున్‌తో పాటు పలువురు రైతులు పాల్గొన్నారు.
