కొమురవెల్లి మల్లన్నను దర్శించుకున్న హైకోర్టు న్యాయమూర్తి
* కుటుంబ సమేతంగా ప్రత్యేక పూజలు నిర్వహించిన జస్టిస్ కాజా శరత్
* ఘన స్వాగతం పలికిన ఆలయ అధికారులు
కాకతీయ,కొమురవెల్లి:
ప్రముఖ పుణ్యక్షేత్రమైన కొమురవెల్లి శ్రీ మల్లికార్జున స్వామివారిని హైకోర్టు న్యాయమూర్తి జస్టిస్ కాజా శరత్ శనివారం కుటుంబ సమేతంగా దర్శించుకున్నారు. ఈ సందర్భంగా ఆలయ అధికారులు, అర్చకులు ఆయనకు ఘన స్వాగతం పలికారు.దేవస్థానం కార్యనిర్వహణాధికారి సాదరంగా ఆహ్వానించగా, ప్రధానార్చకులు మహాదేవుని మల్లికార్జున్ ఆధ్వర్యంలో అర్చక బృందం, వేద పాఠశాల విద్యార్థులు పూర్ణకుంభంతో స్వాగతం పలికారు. అనంతరం జస్టిస్ కాజా శరత్ స్వామివారిని దర్శించుకుని ప్రత్యేక పూజలు నిర్వహించారు.దర్శనానంతరం వేద పండితులు వేద ఆశీర్వచనం అందించగా, దేవస్థానం తరఫున పట్టు వస్త్రాలతో సత్కరించి తీర్థప్రసాదాలు అందజేశారు.ఈ కార్యక్రమంలో సిద్దిపేట జిల్లా ప్రధాన న్యాయమూర్తి జి. సుదర్శన్, అదనపు జిల్లా న్యాయమూర్తి వై. జయప్రసాద్, చేర్యాల జూనియర్ సివిల్ జడ్జి శ్రీరామ్, సర్కిల్ ఇన్‌స్పెక్టర్ రమేష్, సబ్‌ఇన్‌స్పెక్టర్ మహేష్, దేవస్థానం సహాయ కార్యనిర్వహణాధికారి బుద్ధి శ్రీనివాస్, సూపరింటెండెంట్ నీల చంద్రశేఖర్‌తో పాటు దేవస్థాన సిబ్బంది పాల్గొన్నారు.
