పిడుగుపాటుకు రు. 2 లక్షల విలువ చేసే గేదె మృతి
కామవరపుకోట మండ‌లం జీలకర్రగూడెంలో ఘ‌ట‌న
కాకతీయ ప్రతినిధి – ఏలూరు : కామవరపుకోట, మేజర్‌న్యూస్‌ : సోమవారం అకాల వర్షంతో పాటు పిడుగుపాటుకు జీలకర్రగూడెంలో పాడి గేదె మృతి చెందింది. గ్రామానికి చెందిన బాహుబలేంద్రుని మోహన్‌సింగ్‌కు చెందిన గేదె వద్ద పిడుగు పడడంతో సంఘటన స్థలంలోనే గేదె మృతి చెందింది. తాను గేదెలను మేపుకుంటూ పాడి మీదే జీవిస్తున్నానని మోహన్‌సింగ్‌ తీవ్ర ఆవేదన వ్యక్తం చేశారు. గేదె విలువ రు. 2 లక్షలు ఉంటుందని రైతు తెలిపారు. తాజా మాజీ సర్పంచ్‌ ఘోరింక దాసుతో పాటు టీడీపీ సీనియర్‌ నాయకులు కంఠమనేని అంజిమూర్తి సంఘటన స్థలానికి వెళ్లి రైతు మోహన్‌సింగ్‌కు అండగా ఉంటామని ధైర్యం చెప్పారు. అక్కడ నుంచే వీఆర్వోతో పాటు పశువైద్య శాఖ అధికారికి తెలియజేశారు.
