ఒలింపియాడ్‌లలో సిద్ధార్థ విద్యార్థుల విజయాలు
కాకతీయ, చెన్నారావుపేట : అంతర్జాతీయ ఒలింపియాడ్ పరీక్షల్లో సిద్ధార్థ హై స్కూల్ విద్యార్థులు ప్రతిభ కనబరిచి మెడల్స్ సాధించారు. పాఠశాల పేరు ప్రతిష్ఠలను నిలబెట్టారు. పాఠశాలకు చెందిన పి. శశాంక్ కంప్యూటర్ సైన్స్ ఒలింపియాడ్‌లో జోనల్ స్థాయిలో రెండో స్థానం సాధించాడు. సిల్వర్ మెడల్ అందుకున్నాడు. రూ.2,500 నగదు బహుమతి, సర్టిఫికేట్లు పొందాడు. ఉండ్రాతి ప్రగతి గణిత ఒలింపియాడ్‌లో అత్యుత్తమ ప్రతిభ కనబరిచింది. గోల్డ్ మెడల్ సాధించింది. పాఠశాలలో నిర్వహించిన కార్యక్రమంలో సర్టిఫికేట్లు అందజేశారు. ఈ సందర్భంగా యాజమాన్యం అభినందనలు తెలిపింది. భవిష్యత్తులో మరిన్ని విజయాలు సాధించాలని ఆకాంక్షించింది. కార్యక్రమంలో పాఠశాల ఛైర్మన్ కంది గోపాల్ రెడ్డి పాల్గొన్నారు. ప్రధానోపాధ్యాయులు అండెం కర్ణాకర్ రెడ్డి హాజరయ్యారు. ఒలింపియాడ్ సమన్వయకర్త మేడి రమేష్ గౌడ్ పాల్గొన్నారు. ఉపాధ్యాయులు విద్యార్థులను అభినందించారు.
