పీఆర్‌టీయూ టీఎస్‌లో అశోక్‌కు కీలక బాధ్యత
రాష్ట్ర అసోసియేట్‌ అధ్యక్షుడిగా ఏకగ్రీవ ఎన్నిక
2002 నుంచి ఉపాధ్యాయ సంఘంలో క్రియాశీల సేవలు
ఎమ్మెల్సీ అభ్యర్థి విజయానికి కృషి చేయాలి : జమాండ్ల అశోక్‌
కాకతీయ, వరంగల్ బ్యూరో: పీఆర్‌టీయూ టీఎస్‌ రాష్ట్ర అసోసియేట్‌ అధ్యక్షుడిగా జమాండ్ల అశోక్‌ ఏకగ్రీవంగా ఎన్నికయ్యారు. ఇటీవల నల్లగొండ జిల్లాలో నిర్వహించిన రాష్ట్ర కౌన్సిల్‌ సమావేశంలో ఆయన ఎన్నికను ఖరారు చేశారు. 2002లో పీఆర్‌టీయూలో క్రియాశీల సభ్యత్వం పొందిన అశోక్‌ అప్పటి నుంచి సంఘంలో వివిధ హోదాల్లో సేవలందించారు. పలు మండలాల్లో కార్యదర్శిగా, రాష్ట్ర కార్యదర్శిగా బాధ్యతలు నిర్వహించడంతో పాటు ఉమ్మడి వరంగల్ జిల్లా, ప్రస్తుత హనుమకొండ జిల్లాలోని ఆత్మకూరు మండల అధ్యక్షుడిగా మూడు పర్యాయాలు పనిచేశారు. ఉపాధ్యాయుల సమస్యలను ప్రభుత్వం దృష్టికి తీసుకెళ్లి పరిష్కారానికి కృషి చేశారు. తనకు బాధ్యతలు అప్పగించిన ఉపాధ్యాయ ఎమ్మెల్సీ పింగళి శ్రీపాల్‌రెడ్డి, రాష్ట్ర అధ్యక్షుడు సుంకరి భిక్షం గౌడ్‌, ప్రధాన కార్యదర్శి బట్టాపురం మధుసూదన్‌రెడ్డి, జిల్లా అధ్యక్షుడు ఈదునూరి రవీందర్‌రెడ్డి, ప్రధాన కార్యదర్శి నక్కిరెడ్డి మహేందర్‌, సురేందర్‌, వెంకన్నలకు అశోక్‌ కృతజ్ఞతలు తెలిపారు. త్వరలో జరగనున్న నల్లగొండ–వరంగల్–ఖమ్మం పట్టభద్రుల ఎమ్మెల్సీ ఎన్నికల్లో పీఆర్‌టీయూ టీఎస్‌ రాష్ట్ర అధ్యక్షుడు సుంకరి భిక్షం గౌడ్‌ విజయానికి ప్రతి ఒక్కరూ కృషి చేయాలని పిలుపునిచ్చారు.
