కొమురవెల్లి పోలీస్ స్టేషన్‌లో ఏసీపి సదానందం తనిఖీ
రికార్డులు, కేసుల దర్యాప్తు, సిబ్బంది పనితీరుపై సమీక్ష
ఫిర్యాదుదారులతో మర్యాదగా వ్యవహరించాలని సూచన
కాకతీయ,కొమురవెల్లి : హుస్నాబాద్ ఏసీపి సదానందం వార్షిక తనిఖీలో భాగంగా బుధవారం కొమురవెల్లి పోలీస్ స్టేషన్‌ను సందర్శించి తనిఖీ నిర్వహించారు. ఈ సందర్భంగా పోలీస్ స్టేషన్ ఆవరణతో పాటు అన్ని విభాగాలను క్షుణ్ణంగా పరిశీలించారు. సిబ్బంది పనితీరు, స్టేషన్ రికార్డులు, కేసు ప్రాపర్టీ, వివిధ కేసులకు సంబంధించిన వాహనాలను తనిఖీ చేశారు.అనంతరం సైబర్ క్రైమ్, రిసెప్షన్, కోర్టు డ్యూటీ, సీసీటీఎన్‌ఎస్ తదితర విభాగాల పనితీరును సమీక్షించి, సిబ్బందికి పలు సూచనలు చేశారు. పోలీస్ స్టేషన్‌కు వచ్చే ఫిర్యాదుదారులతో గౌరవప్రదంగా, మర్యాదపూర్వకంగా వ్యవహరిస్తూ వారి సమస్యలను సత్వరమే పరిష్కరించేందుకు కృషి చేయాలని సూచించారు.పోలీస్ స్టేషన్ పరిధిలో జరిగే ఆర్థిక నేరాలు, దొంగతనాలు, ఇతర నేరాలకు సంబంధించిన కేసుల దర్యాప్తును నిష్పాక్షికంగా, పారదర్శకంగా, వేగవంతంగా పూర్తి చేయాలని కొమురవెల్లి ఎస్ఐ మహేష్‌తో పాటు సిబ్బందికి ఆదేశాలు జారీ చేశారు.ఈ వార్షిక తనిఖీలో చేర్యాల సీఐ బానోత్ రమేష్ నాయక్,కొమురవెల్లి పోలీస్ స్టేషన్ సిబ్బంది పాల్గొన్నారు.
