డిసెంబర్ ఒకటి నుంచి పార్లమెంట్ శీతాకాల సమావేశాలు
19 వ‌ర‌కూ నిర్వహ‌ణ.. రాష్ట్రపతి ద్రౌపది ముర్ము ఆమోదం
కాకతీయ, నేష‌న‌ల్ డెస్క్ : పార్లమెంట్ శీతాకాల సమావేశాల‌కు కేంద్రం సిద్ధ‌మైంది. డిసెంబర్ ఒక‌ట‌వ తేదీ నుంచి సమావేశాలు ప్రారంభంకానున్నాయి. డిసెంబర్ 19 వ‌ర‌కూ ఈ సమావేశాలు కొన‌సాగ‌నున్నాయి. పార్లమెంటు శీతాకాల సమావేశాలను నిర్వహించాలనే ప్రభుత్వ ప్రతిపాదనను రాష్ట్రపతి ద్రౌపది ముర్ము ఆమోదించారు.ఈ విష‌యాన్ని కేంద్ర మంత్రి, పార్ల‌మెంట‌రీ వ్య‌వ‌హారాల శాఖ మంత్రి కిర‌ణ్ రిజుజు శ‌నివారం ప్ర‌క‌టించారు. ‘పార్ల‌మెంట‌రీ వ్య‌వ‌హారాల అత్య‌వ‌స‌ర ప‌రిస్థితుల‌కు లోబ‌డి డిసెంబర్ 1 నుంచి 19 వ‌ర‌కూ పార్లమెంటు శీతాకాల సమావేశాలను నిర్వహించాలనే ప్రభుత్వ ప్రతిపాదనను రాష్ట్రపతి ద్రౌపది ముర్ము ఆమోదించారు’ అని ఎక్స్‌లో ట్వీట్ పెట్టారు.
చర్చ కోసం ప్రతిపక్షాలు డిమాండ్
అయితే పార్లమెంట్ శీతాకాల సమావేశాలను అసాధారణంగా ఆలస్యం చేసిందని, కుదించిందని కాంగ్రెస్ పేర్కొంది. ప్రభుత్వానికి లావాదేవీలు చేయాల్సిన పని లేదని, బిల్లులు ఆమోదించాల్సిన అవసరం లేదని, చర్చలు అనుమతించాల్సిన అవసరం లేదేమోనని వ్యాఖ్యానించింది. ఈ సంవత్సరం శీతాకాల సమావేశాలు కేవలం 15 పని దినాలు మాత్రమే ఉంటాయని కాంగ్రెస్ ప్రధాన కార్యదర్శి జైరాం రమేశ్ పోస్ట్ పెట్టారు. మరోవైపు, జులై 21వ తేదీన ప్రారంభమైన పార్లమెంటు వర్షాకాల సమావేశాలు, షెడ్యూల్ ప్రకారం ముగియడానికి ఒక రోజు ముందుగా ఆగస్టు 21వ తేదీన ముగిశాయి. లోక్‌సభ, రాజ్యసభ రెండు కూడా నిరవధికంగా వాయిదాపడ్డాయి. వర్షాకాల సమావేశాల్లో 32 రోజుల పాటు 21 రోజులపాటు సభలు నడిచాయి. బిహార్‌లో ఓటర్ల జాబితాల ప్రత్యేక సారాంశ సవరణపై చర్చ కోసం ప్రతిపక్షాలు డిమాండ్ చేయడంతో సెషన్ నిరంతరం అంతరాయం కలిగింది. పదే పదే వాయిదా పడటం వల్ల, లోక్‌సభ ఉత్పాదకత దాదాపు 31 శాతం ఉండగా, రాజ్యసభ ఉత్పాదకత దాదాపు 39 శాతంగా ఉంది.
