రాయపర్తి కాంగ్రెస్‌కు కొత్త సారథులు!
మండల పార్టీ నూతన కమిటీ ప్రకటన
సంక్షేమ పథకాలను ప్రజల్లోకి తీసుకెళ్లాలి
ఎమ్మెల్యే మామిడాల యశస్విని రెడ్డి పిలుపు
కాకతీయ, రాయపర్తి: రాయపర్తి మండలంలో కాంగ్రెస్ పార్టీని క్షేత్రస్థాయి నుంచి బలోపేతం చేయాలని పాలకుర్తి ఎమ్మెల్యే మామిడాల యశస్విని రెడ్డి పిలుపునిచ్చారు. గురువారం పాలకుర్తి ఎమ్మెల్యే క్యాంపు కార్యాలయంలో మండల పార్టీ నూతన కమిటీని ప్రకటించి, బాధ్యతలు చేపట్టిన అధ్యక్ష, కార్యవర్గ సభ్యులను శాలువాలతో సత్కరించి అభినందించారు. నాయకులు, కార్యకర్తలు సమన్వయంతో పనిచేస్తూ ప్రభుత్వ సంక్షేమ పథకాలను ప్రజల్లోకి తీసుకెళ్లాలని సూచించారు. మండల కాంగ్రెస్ అధ్యక్షుడిగా ఈదులకంటి రవీందర్‌రెడ్డి రెండోసారి బాధ్యతలు చేపట్టారు. ఉపాధ్యక్షులుగా గిరగాని రాజు, మచ్చ నీలయ్య, గారె చిన్న సాయిలు; బీసీ సెల్‌ అధ్యక్షుడిగా చెవ్వు కాశీనాథం; ఎస్సీ సెల్‌ అధ్యక్షుడిగా కందికట్ల యాకయ్య; మైనార్టీ సెల్‌ అధ్యక్షుడిగా ఎండీ అప్రోజ్‌; కిసాన్‌ సెల్‌ అధ్యక్షుడిగా ఖమ్మం సోమన్న; ఎస్టీ సెల్‌ అధ్యక్షుడిగా మూనావత్‌ కిషన్‌ నాయక్‌; మహిళా అధ్యక్షురాలిగా కౌడగాని ఉమా నియమితులయ్యారు. ప్రధాన కార్యదర్శులుగా కుందూరు జైపాల్‌రెడ్డి, జక్కుల సారగం, సన్నూరి మహిబా, గుగులోత్‌ యాకుబ్‌; కార్యదర్శులుగా మద్దెల వెంకటేష్‌, ఎం. సరిత, ఎండీ. అబ్దుల్‌, పాశం నరోత్తం రెడ్డి, మంద యాకన్న, చిన్నపాక వెంకటస్వామి; కార్యవర్గ సభ్యులుగా కేసని వెంకట్‌రెడ్డి, చిలువేరు స్వరూప, బద్దం గంగ లక్ష్మి, ఎండీ మొహీనుద్దీన్‌, అబ్బరబోయిన సారంగం, మూనావత్‌ సీతారాం, గౌరారపు దేవేందర్‌ ఏకగ్రీవంగా ఎన్నికయ్యారు. కష్టకాలంలో పార్టీకి అండగా నిలిచిన కార్యకర్తలకు గుర్తింపు ఉంటుందని ఎమ్మెల్యే తెలిపారు. మండల సమగ్రాభివృద్ధికి నూతన కమిటీ కృషి చేయాలని కోరారు. కార్యక్రమంలో మండల నాయకులు, సర్పంచులు, కార్యకర్తలు పాల్గొన్నారు.
