గొల్లకురుమలకు ఇచ్చిన హామీలు అమలు చేయాలి
నిర్లక్ష్యం చేస్తే ఉద్యమం తప్పదు….
జిఏమ్ పిఎస్ జిల్లా కార్యదర్శి పరికి మధుకర్ హెచ్చరిక….
కాకతీయ,చెన్నారావుపేట: గొల్లకురుమలకు ఎన్నికల సమయంలో ఇచ్చిన హామీలను రాష్ట్ర ప్రభుత్వం తక్షణమే అమలు చేయాలని జీ ఏమ్ పి ఏస్ వరంగల్ జిల్లా కార్యదర్శి పరికి మధుకర్ డిమాండ్ చేశారు. చెన్నారావుపేట మండలం ఉప్పరపల్లి గ్రామంలో జి ఏమ్ పి ఏస్ రాష్ట్ర కమిటీ పిలుపు మేరకు గొర్రెలు, మేకల పెంపకందార్ల సంఘం ఆధ్వర్యంలో సర్వే నిర్వహించారు. అనంతరం ఏర్పాటు చేసిన సమావేశంలో ఆయన మాట్లాడారు.ఎన్నికల సమయంలో గొల్లకురుమలను ఓటు బ్యాంకుగా ఉపయోగించుకొని అధికారంలోకి వచ్చిన ప్రభుత్వం ఇప్పుడు వారి సమస్యలను పట్టించుకోవడం లేదని విమర్శించారు. గొర్రెల పంపిణీ పథకం కింద లబ్ధిదారులకు 2 లక్షల నగదు అందిస్తామని ఇచ్చిన హామీని నేటికీ అమలు చేయకపోవడం సరికాదన్నారు. గొర్రెలు మేపుతూ ప్రమాదవశాత్తు మరణించే కాపరుల కుటుంబాలకు 5 లక్షల ఎక్స్‌గ్రేషియా ఇస్తామని ప్రకటించి విస్మరించిందని మండిపడ్డారు.గ్రామీణ ప్రాంతాల్లో ఉన్నత చదువులు పూర్తి చేసి నిరుద్యోగులుగా ఉన్న గొల్లకురుమ యువతకు 50 లక్షలతో గొర్రెల ఫారాలు ఏర్పాటు చేసి ఉపాధి కల్పించాలని కోరారు. కల్లుగీత, చేనేత కార్మికుల తరహాలో 50 ఏళ్లు నిండిన గొల్లకురుమలకు నెలవారీ పింఛన్ ఇవ్వాలని డిమాండ్ చేశారు. ఖాళీగా ఉన్న వెటర్నరీ పోస్టులను భర్తీ చేయడంతోపాటు ప్రతి గ్రామంలో పశువైద్యశాల ఏర్పాటు చేయాలని, మూగజీవాలకు అవసరమైన మందులను ఉచితంగా సరఫరా చేయాలని ప్రభుత్వాన్ని కోరారు.గొల్లకురుమల సమస్యల పరిష్కారంలో ప్రభుత్వం నిర్లక్ష్యం వహిస్తే ఆందోళనలు ఉధృతం చేస్తామని హెచ్చరించారు. ఇప్పటికైనా ఎన్నికల హామీలను అమలు చేయాలని, లేనిపక్షంలో ప్రభుత్వానికి తగిన గుణపాఠం చెబుతామని స్పష్టం చేశారు.ఈ
కార్యక్రమంలో గ్రామ ఉపసర్పంచ్ మత్తుర్తి అన్వేష్, జీ ఏమ్ పి ఏస్ జిల్లా కమిటీ సభ్యులు బోయిని రాజు, కుక్కల సతీష్, లెంకలపల్లి రాజు, గుండు బాలకృష్ణ, లంకలపల్లి కరుణాకర్, కుక్కల రాజు, కసరబోయిన కుమార్, కుక్కల మల్లయ్య, లంకలపల్లి ముండయ్య, కుర్రు రవికుమార్, కుక్కల సాంబయ్య, కుక్కల ఐలయ్య, కసరబోయిన రాజకుమార్, భూక్య నామా తదితరులు పాల్గొన్నారు.
