ఘనంగా బాలల దినోత్సవ వేడుకలు
కాకతీయ, నెల్లికుదురు: మండలంలోని నర్సింహులగూడెం ఎంపీ యుపిఎస్ పాఠశాలలో ముందస్తు బాలల దినోత్సవ కార్యక్రమం శుక్రవారం ప్రధానోపాధ్యాయురాలు కే . పద్మావతి అధ్యక్షతన ఘనంగా నిర్వహించారు. ఈ సందర్భంగా హెచ్ ఏం మాట్లాడుతూ నేటి బాలలే రేపటి సమాజ నిర్మాతలని , దేశ భవిష్యత్తుకి పునాది వంటి వారని బాల్య దశలోనే గ్రహణ సామర్ధ్యం, నేర్చుకునే స్వభావం అధికంగా ఉంటుందన్నారు. కావున మన పాఠశాలలోని అవకాశాలను సద్వినియోగ పరచుకొని స్వేచ్ఛపూరిత వాతావరణం లో విద్యాభ్యాసం గావించి ఉన్నత స్థానాలకు చేరాలని, గ్రామానికి,చదువుకున్న పాఠశాలకు మంచి పేరు తేవాలనీ ఆకాంక్షించారు. అనంతరం విద్యార్థులు ఉత్సాహంగా ఆట, పాటలు , నృత్య ప్రదర్శనలో పాల్గొన్నారు.ఈ కార్యక్రమంలో పాఠశాల ఉపాధ్యాయులు బి. శ్రీనివాస్, సుకన్య, వీరేందర్, సంగ శ్రీనివాస్, మమత లు పాల్గొన్నారు.
