పేపర్ లీకేజీపై ఢిల్లీలో కాల్పులా?
విద్యార్థులపై పెల్లెట్ గన్లతో కాల్పులను ఖండించిన యూత్ కాంగ్రెస్
అమిత్ షా నైతిక బాధ్యత వహించి రాజీనామా చేయాలి
మోదీ–షా చిత్రపటాలకు నిప్పు పెట్టి నిరసన
కేంద్ర హోంమంత్రి అమిత్ షాను పదవి నుంచి తొలగించాలి..
యూత్ కాంగ్రెస్ జనగామ జిల్లా అధ్యక్షుడు బోనాసి క్రాంతికుమార్
కాకతీయ, జనగామ : పేపర్ లీకేజీకి నిరసనగా ఢిల్లీలో శాంతియుతంగా ఆందోళన చేస్తున్న విద్యార్థులపై పెల్లెట్ గన్లతో కాల్పులు జరిపిన ఘటనను నిరసిస్తూ జనగామ జిల్లా కేంద్రంలో యూత్ కాంగ్రెస్ ఆధ్వర్యంలో ఆందోళన చేపట్టారు. తెలంగాణ యూత్ కాంగ్రెస్ రాష్ట్ర అధ్యక్షుడు జక్కిడి శివచరణ్రెడ్డి పిలుపు మేరకు జిల్లా అధ్యక్షుడు బోనాసి క్రాంతికుమార్ ఆధ్వర్యంలో మంగళవారం నిరసన కార్యక్రమం నిర్వహించారు. జిల్లా ఇన్చార్జి అలువాల కార్తీక్ సమక్షంలో నిర్వహించిన ఈ కార్యక్రమంలో మోదీ, అమిత్షాలకు వ్యతిరేకంగా నినాదాలు చేశారు. అనంతరం వారి చిత్రపటాలకు నిప్పు పెట్టి నిరసన తెలిపారు. పేపర్ లీకేజీపై న్యాయం చేయాలని డిమాండ్ చేస్తూ విద్యార్థులు శాంతియుతంగా నిరసన తెలుపుతుంటే వారిపై పెల్లెట్ గన్లతో కాల్పులు జరపడం దారుణమని యూత్ కాంగ్రెస్ నాయకులు మండిపడ్డారు. ఘటనకు నైతిక బాధ్యత వహిస్తూ కేంద్ర హోంమంత్రి అమిత్ షా రాజీనామా చేయాలని డిమాండ్ చేశారు. లేదంటే కేంద్ర ప్రభుత్వం వెంటనే ఆయనను పదవి నుంచి తొలగించాలని కోరారు.
ప్రజల హక్కుల కోసం పోరాటం
రాహుల్గాంధీ నాయకత్వంలో యూత్ కాంగ్రెస్ అన్ని వర్గాల ప్రజల హక్కుల కోసం నిరంతరం పోరాడుతుందని నాయకులు తెలిపారు. కేంద్రంలోని బీజేపీ ప్రభుత్వం రాజ్యాంగ స్ఫూర్తికి విరుద్ధంగా వ్యవహరిస్తోందని ఆరోపించారు. రాజ్యాంగాన్ని పరిరక్షించడంతో పాటు దాని ద్వారా లభించే హక్కులు, ఫలాలు అన్ని వర్గాల ప్రజలకు అందేలా పోరాటం కొనసాగిస్తామని స్పష్టం చేశారు. కార్యక్రమంలో జిల్లా కార్యవర్గ సభ్యులు ఉదయ్, జానీబాబా, అభిరామ్, అందే నానిబాబు, పాలకుర్తి నియోజకవర్గ అధ్యక్షుడు రాజేష్నాయక్, జనగామ నియోజకవర్గ ఉపాధ్యక్షుడు శ్రీధర్, పాలకుర్తి ఉపాధ్యక్షుడు రాజేష్యాదవ్, సాయిప్రకాష్, మండల అధ్యక్షులు ప్రకాష్యాదవ్, బుర్రా నరేష్, బాలరాజ్, మహేష్, రాజు, అబ్బాస్, కృష్ణ, యాకేశ్యాదవ్, కార్యవర్గ సభ్యులు గడ్డం మణి, పుల్ల విక్రమ్, లక్ష్మణ్, రాకేష్, శేఖర్, సోషల్ మీడియా జిల్లా కోఆర్డినేటర్ పడిగం మహేష్, జనగామ పట్టణ నాయకులు కాసాని విజయ్, సోహెల్, లింగం, గ్రామశాఖ అధ్యక్షులు రాజు, పృథ్వి, శ్రీహ్మన్ తదితరులు పాల్గొన్నారు.
