చాకలి ఐలమ్మ పోరాట స్ఫూర్తిని కొనసాగించాలి
భూమి, భుక్తి, విముక్తి కోసం ఆమె పోరాటం చిరస్మరణీయం
తెలంగాణ రజక రిజర్వేషన్ సమితి జిల్లా అధ్యక్షుడు ఐలోని అభిషేక్ పిలుపు
కాకతీయ, గీసుగొండ : వీరనారి చాకలి ఐలమ్మ పోరాట స్ఫూర్తిని కొనసాగించాలని తెలంగాణ రజక రిజర్వేషన్ సమితి వరంగల్ జిల్లా అధ్యక్షుడు ఐలోని అభిషేక్ పిలుపునిచ్చారు. ఎలుకుర్తి హవేలీ గ్రామంలో దత్తాత్రేయ మడేలేశ్వర స్వామి రజక సంఘం ఆధ్వర్యంలో గురువారం చాకలి ఐలమ్మ 41వ వర్ధంతి నిర్వహించారు. ఐలమ్మ చిత్రపటానికి పూలమాలలు వేసి నివాళులర్పించారు. భూమి కోసం, భుక్తి కోసం, విముక్తి కోసం చాకలి ఐలమ్మ సాగించిన పోరాటం చరిత్రలో చిరస్థాయిగా నిలిచిందని ఐలోని అభిషేక్ అన్నారు. అణగారిన వర్గాల హక్కుల కోసం ఆమె ప్రదర్శించిన ధైర్యసాహసాలు నేటి తరానికి స్ఫూర్తిదాయకమన్నారు. ఐలమ్మ ఆశయాలను ముందుకు తీసుకెళ్లడంతో పాటు రజక సమాజం హక్కులు, అభివృద్ధి కోసం ఐక్యంగా కృషి చేయాలని పిలుపునిచ్చారు. కార్యక్రమంలో కుల సంఘం పెద్దమనిషి ఐలోని సత్యనారాయణ, ఐలోని మల్లేశం, రాయరాకుల రాజు, ఐలోని తిరుపతి, ఐలోని మహేష్, ఐలోని సందీప్ తదితరులు పాల్గొన్నారు.
