నిధుల దుర్వినియోగం ఆరోపణలు అవాస్తవం
బడి తండా సర్పంచి ధనమ్మ అమ్రూ నాయక్
కాకతీయ,నెల్లికుదురు : నిధుల దుర్వినియోగం ఆరోపణల్లో నిజం లేదని నెల్లికుదురు మండలం బడి తండా సర్పంచి బిలావత్ ధనమ్మ అమృ నాయక్, ఉపసర్పంచి గుగులోతు చిట్టెమ్మ అన్నమయ్య తెలిపారు. మంగళవారం వారు విలేకరులతో మాట్లాడుతూ తాము బడి తండ, శివారు చండాలలో చేసే అభివృద్ధి పనులను చూసి ఓర్వ లేక సత్యదూరమైన ఆరోపణలు చేస్తున్నారన్నారు. రేగడి తండా పిఆర్ రోడ్డు నుంచి రాజేందర్ ఇంటి వరకు 25 ఫీట్ల వెడల్పు తో 550 మీటర్ల పొడవు రెండు ఫీట్ల ఎత్తుతో మొరం పోశామని, సొసైటీ తండాలో పిఆర్ రోడ్డు నుంచి గుగులోతు దాసు ఇంటి వద్దకు అక్కడి నుంచి ఉపసర్పంచి చిట్టమ్మ గృహం వరకు మొరం పోసి చదును చేసినట్లు తెలిపారు. దీనికి 450 ట్రిప్పుల మొరం జెసిబి, డోజర్లు వినియోగించామని తెలిపారు. చెట్లు తొలగించిన పనిలో చెరువు కట్ట హనుమాన్ టెంపుల్ నుంచి బాబా క్వారీ దగ్గరకు, బొడ్రాయి నుంచి క్వారీ రోడ్ వరకు రెండు జెసిబి యంత్రాలతో ముండ్ల కంప ఇతర వేస్ట్ చెట్లు రెండు జెసిబి యంత్రాలతో తొలగించినట్లు తెలిపారు. సంబంధిత పనులకు ఎంబీలు చేయించడం జరిగిందని నిధుల దుర్వినియోగం జరగలేదని సంబంధిత పనులు పరిశీలించుకోవచ్చని సర్పంచి, ఉపసర్పంచి తెలిపారు.
