పెద్ది సుదర్శన్ రెడ్డి లేకపోవడం బాధాకరం..
ఎమ్మెల్సీ పోచంపల్లి శ్రీనివాస్ రెడ్డి
కాకతీయ, నెక్కొండ: నర్సంపేట మాజీ ఎమ్మెల్యే పెద్ది సుదర్శన్ రెడ్డి లేకపోవడం బాధాకరమని ఎమ్మెల్సీ ఎన్నికల ఇన్ చార్జి, ఎమ్మెల్సీ పోచంపల్లి శ్రీనివాస్ రెడ్డి అన్నారు. సోమవారం నెక్కొండ పట్టణంలోని మహేశ్వర గార్డెన్ లో బీఆర్ఎస్ మండల అధ్యక్షులు సంగని సూరయ్య ఆధ్వర్యంలో వరంగల్,ఖమ్మం,నల్గొండ పట్టభద్రుల ఎమ్మెల్సీ ఎన్నికల సన్నాహక సమావేశం జరిగింది. ఈ సమావేశంలో ఆయన ముఖ్య అతిథిగా పాల్గొని మాట్లాడారు. ఈ ఎమ్మెల్సీ ఎన్నికలు రాబోయే శాసనసభ ఎన్నికలకు రెఫరెండం గా మారనున్నాయని అన్నారు. ఈ ఎన్నికల్లో బీఆర్ఎస్ పార్టీ గెలిస్తేనే భవిష్యత్ ఉంటుందని పేర్కొన్నారు. కాంగ్రెస్ పార్టీ గత ఎన్నికల్లో ఇచ్చిన హామీలను తుంగలో తొక్కిందని దుయ్యబట్టారు. ప్రజలందరూ కేసీఆర్ వైపే చూస్తున్నారని అన్నారు. కార్యక్రమంలో మండల అధ్యక్షులు సంగని సూరయ్య, టీఎస్ ట్రిబ్యునల్ మెంబర్, మాజీ ఎంపీపీలు గటిక అజయ్ కుమార్, జాటోతు రమేష్, బీఆర్ఎస్ సీనియర్ నాయకులు కొమ్ము రమేష్ యాదవ్, నాయకులు హరికిషన్, మాదాసు రవి, రాజిరెడ్డి, నబి, వీరస్వామి, సురేష్, శ్రీనివాస్, వెంకన్న తదితరులు పాల్గొన్నారు.
