పట్టా భూమి కబ్జాకు యత్నం

కాకతీయ, ఆత్మకూర్ : పట్టా భూమిని కొంతమంది వ్యక్తులు అక్రమంగా కబ్జా చేసేందుకు ప్రయత్నిస్తున్నారని బాధితుడు ముక్క సుధాకర్ ఆరోపించారు.మంగళవారం ఆత్మకూర్ మండలం కటాక్షపూర్ శివారులోని సర్వే నెంబర్ 125 ను కొందరు వ్యక్తులు కబ్జా చేసేందుకు ప్రయత్నిస్తున్నారని బాధితుడు ముక్క సుధాకర్ తెలిపారు. అనంతరం బాధితుడు ముక్క సుధాకర్ మాట్లాడుతు కటాక్షపూర్ గ్రామంలోని హౌజ్ బుజుర్గ్ గ్రామపంచాయతీ పరిధిలో ఉన్న సర్వే నంబర్ 125లో ఉన్న 0-36 గుంటల భూమిని 2006లో ఊరె ప్రభాకర్ రావు, ఊరె సత్యనారాయణల వద్ద కొనుగోలు చేసి రిజిస్ట్రేషన్ చేయించుకున్నానని ఆ భూమికి ధరణి ద్వారా పట్టా పాసుపుస్తకం ఉందని భూ భారతి సైట్లో ప్రస్తుతం నా పేరే ఉందని తెలిపారు.కొందరు వ్యక్తులు కావాలనే పట్టా భూమిని ప్రభుత్వ భూమి అని ప్రచారం చేస్తున్నారని తప్పుడు ప్రచారం చేస్తున్నారని తెలిపారు.సర్వే నంబర్ 124లో కటాక్షపూర్ చెరువు ఉండగా, తన భూమి కూడా ప్రభుత్వ భూమిలో ఉందంటూ తప్పుడు ప్రచారం చేస్తున్నారని ఆవేదన వ్యక్తం చేసారు.తన భూమికి సంబంధించిన రిజిస్ట్రేషన్, రెవెన్యూ పత్రాలను అధికారులకు సమర్పించగా, భూమి సర్వే నంబర్ 125లోనే ఉందని, ప్రభుత్వ భూమి కాదని అధికారులు కూడా ధృవీకరించినట్లు సుధాకర్ తెలిపారు.

📰 Share Epaper Clip