పట్టభద్రులందరూ ఓటరుగా నమోదు చేసుకోవాలి!
రామ్‌రెడ్డి సర్వోత్తమ్‌రెడ్డి గెలుపే లక్ష్యంగా నమోదు ప్రక్రియ
అర్హులంతా ఓటు హక్కు పొందాలి : కాంగ్రెస్ మండల అధ్యక్షుడు బైరు అశోక్‌ గౌడ్‌
కాకతీయ, ఇనుగుర్తి : అర్హులైన పట్టభద్రులందరూ ఎమ్మెల్సీ ఎన్నికల కోసం ఓటరుగా నమోదు చేసుకోవాలని కాంగ్రెస్ పార్టీ మండల అధ్యక్షుడు బైరు అశోక్‌ గౌడ్‌ కోరారు. బుధవారం డీసీసీ అధ్యక్షురాలు డాక్టర్‌ ఉమా మురళి నాయక్‌ పిలుపు మేరకు ఇనుగుర్తి మండలంలోని అయ్యగారిపల్లిలో మండల, గ్రామ నాయకులతో కలిసి వరంగల్–ఖమ్మం–నల్లగొండ ఉమ్మడి జిల్లాల పట్టభద్రుల ఎమ్మెల్సీ అభ్యర్థి రామ్‌రెడ్డి సర్వోత్తమ్‌రెడ్డి గెలుపు లక్ష్యంగా చేపట్టిన ఓటరు నమోదు కార్యక్రమాన్ని పరిశీలించారు. ఈ సందర్భంగా అశోక్‌ గౌడ్‌ మాట్లాడుతూ.. అర్హులైన పట్టభద్రులను గుర్తించి ఓటరు జాబితాలో నమోదు చేయించాలని, రామ్‌రెడ్డి సర్వోత్తమ్‌రెడ్డి గెలుపు కోసం నాయకులు, కార్యకర్తలు సమన్వయంతో పనిచేయాలని సూచించారు. మండల ఓటరు నమోదు ఇన్‌చార్జిలుగా కొట్టం రాము, నందునూరి ప్రశాంత్‌ వ్యవహరిస్తున్నారు. కార్యక్రమంలో మాజీ మండల అధ్యక్షుడు కూరెల్లి సతీష్‌, మండల ఉపాధ్యక్షుడు మామిడి జనార్దన్‌, మహబూబాబాద్‌ యూత్‌ అసెంబ్లీ కార్యదర్శి చీకటి స్టాలిన్‌, అయ్యగారిపల్లి యూత్‌ అధ్యక్షుడు ఉప్పు నాగరాజు, వార్డు సభ్యులు బానోత్‌ సూర్య నాయక్‌, మార్క నరేష్‌, మార్క సారయ్య, సూరయ్య, చింతల అంజయ్య, మెట్టు రాజు, మాజీ ఉపసర్పంచ్‌ మద్దికుంట్ల వెంకన్న, రమేష్‌, రాజు, రామయ్య తదితరులు పాల్గొన్నారు.
