ఐపీఎల్ కు రిటైర్మెంట్… మరో ఊహించని రోల్ తో రస్సెల్ రీఎంట్రీ

ఐపీఎల్ కు రిటైర్మెంట్… మరో ఊహించని రోల్ తో రస్సెల్ రీఎంట్రీ
ఐపీఎల్‌కి వీడ్కోలు ప‌లికిన ఆండ్రీ రస్సెల్
IPL 2026 వేలానికి ముందు రిటైర్మెంట్ నిర్ణయం
కొత్త పాత్రలో వెస్టిండీస్ డాషింగ్ ఆల్ రౌండర్

కాక‌తీయ‌, స్పోర్ట్స్ : వెస్టిండీస్ డాషింగ్ ఆల్ రౌండర్ ఆండ్రీ రస్సెల్ షాకింగ్ అనౌన్స్మెంట్ ఇచ్చాడు. ఐపీఎల్ 2026 వేలానికి ముందే రస్సెల్ తన రిటైర్మెంట్ ప్రకటించి, ఐపీఎల్ కు వీడ్కోలు పలికాడు. రస్సెల్ 2014 నుండి కోల్ కతా నైట్ రైడర్స్ (కెకెఆర్)కి ఆడుతున్నాడు. 2012లో ఢిల్లీ క్యాపిటల్స్ తరపున ఐపీఎల్ లో తన తొలి సీజన్ ఆడాడు. ఢిల్లీ టీంలో 2 సంవత్సరాలు ఆడిన తర్వాత, రస్సెల్ కోల్ కతాలో చేరాడు 10 సంవత్సరాలకు పైగా అదే జట్టులో భాగంగా ఉన్నాడు.

ఐపీఎల్ నుంచి ఆండ్రీ రస్సెల్ రిటైర్మెంట్
రస్సెల్ తన రిటైర్మెంట్ వార్తను ఇన్‌స్టాగ్రామ్ పోస్ట్ ద్వారా అభిమానులతో పంచుకున్నాడు. అందులో “ఐపీఎల్ నుంచి రిటైర్ అవుతున్నాను, కానీ నా పట్టుదల వదులుకోను. ఇది గొప్ప ఐపీఎల్ కెరీర్, 12 సీజన్ల జ్ఞాపకాలు, KKR కుటుంబం నుండి చాలా ప్రేమను పొందాను. నేను ప్రపంచవ్యాప్తంగా ఉన్న ఇతర క్రికెట్ లీగ్‌లలో సిక్సర్లు కొట్టడం, వికెట్లు తీయడం కొనసాగిస్తాను. మంచి విషయం ఏమిటంటే నేను ఇంటిని వదిలి వెళ్ళడం లేదు. 2026 లో మీరు నన్ను KKR సపోర్ట్ స్టాఫ్‌లో పవర్ కోచ్‌గా కొత్త పాత్రలో చూస్తారు. కొత్త అధ్యాయం, కొత్త శక్తి. ఎల్లప్పుడూ నైట్స్ కోసం” అని రాసుకొచ్చారు.

ఆండ్రీ రస్సెల్‌ను రాబోయే సీజన్ (ఐపీఎల్ 2026) వరకు కెకెఆర్ నిలుపుకోలేదు. రస్సెల్ ఒక గొప్ప ఆల్ రౌండర్, కాబట్టి వేలంలో అతన్ని తమ జట్లలో చేర్చుకోవడానికి అన్ని ఫ్రాంచైజీల మధ్య తీవ్ర పోటీ ఉంటుందని భావించారు. అయితే ఆ తేదీకి ముందే రస్సెల్ ఐపీఎల్ నుంచి రిటైర్మెంట్ ప్రకటించాడు. IPL 2026 వేలానికి ముందు, కోల్‌కతా నైట్ రైడర్స్ కేవలం 12 మంది ఆటగాళ్లను మాత్రమే నిలుపుకుంది. అత్యంత ఆశ్చర్యకరమైన విషయం ఏమిటంటే KKR పోస్టర్ బాయ్‌గా పిలువబడే ఆండ్రీ రస్సెల్‌ను ఆ లిస్ట్ లో చేర్చలేదు. ఈ నేపథ్యంలోనే IPL నుండి తన రిటైర్మెంట్ ప్రకటిస్తూ, KKRతో తన చిరస్మరణీయ క్షణాలను వివరించే వీడియోను ఆండ్రీ రస్సెల్ పంచుకున్నాడు. IPL 2026లో KKR తరపున తాను కొత్త పాత్ర పోషిస్తానని కూడా అతను ప్రకటించాడు.

ఆల్ రౌండర్ గా సత్తా చాటిన రస్సెల్
ఆండ్రీ రస్సెల్ ఐపీఎల్ కెరీర్‌లో అద్భుతమైన ప్రతిభ కనబరిచాడు. 140 మ్యాచ్‌ల్లో 115 ఇన్నింగ్స్‌ల్లో 28.20 సగటుతో, 174.17 స్ట్రైక్ రేట్‌తో 2651 పరుగులు చేశాడు. బౌలర్ గా కూడా అద్భుతంగా రాణించాడు. రస్సెల్ 121 ఐపీఎల్ ఇన్నింగ్స్‌ల్లో 123 వికెట్లు పడగొట్టాడు. గత ఐపీఎల్ సీజన్‌లో 10 ఇన్నింగ్స్‌ల్లో 167 పరుగులు చేశాడు. బౌలర్‌గా, ఐపీఎల్ 2025లో 9 ఇన్నింగ్స్‌ల్లో 8 వికెట్లు పడగొట్టాడు.