మాభూమి రథయాత్రను విజయవంతం చేయాలి
బీసీ, ఎస్సీ, ఎస్టీ జేఏసీ మండల అధ్యక్షుడు యమునూరి ప్రశాంత్ పిలుపు
కాకతీయ,శంకరపట్నం: బీసీ, ఎస్సీ, ఎస్టీ జేఏసీ ఆధ్వర్యంలో తెలంగాణ రాష్ట్రవ్యాప్తంగా చేపట్టనున్న లక్ష కిలోమీటర్ల మాభూమి రథయాత్రను విజయవంతం చేయాలని జేఏసీ శంకరపట్నం మండల అధ్యక్షుడు యమునూరి ప్రశాంత్ పిలుపునిచ్చారు. ఈ యాత్రలో భాగంగా మంగళవారం మండలంలోని అంబేద్కర్ కూడలి వద్ద రథయాత్రకు సంబంధించిన పోస్టర్‌ను ఆవిష్కరించారు. ఈ సందర్భంగా ఆయన మాట్లాడుతూ ప్రజా సమస్యల పరిష్కారమే ప్రధాన లక్ష్యంగా మాభూమి రథయాత్ర కొనసాగుతుందని తెలిపారు. ఈ యాత్రలో విద్యావంతులు, యువకులు, మేధావులు, ప్రజా సంఘాల నాయకులు, మానవతావాదులు, రాజకీయ పార్టీలకు అతీతంగా ప్రతి ఒక్కరూ భాగస్వాములై విజయవంతం చేయాలని కోరారు. ఈ కార్యక్రమంలో జేఏసీ జిల్లా ఉపాధ్యక్షుడు గాజుల రవి, ప్రధాన కార్యదర్శి కనకం లక్ష్మణ్, కవంపల్లి నరసయ్య, వినయ్, నరేష్, సాయికాంత్ తదితరులు పాల్గొన్నారు.
