చుంచనకోట కాంగ్రెస్‌లో అధ్యక్ష పదవిపై అసంతృప్తి!

కాకతీయ, చేర్యాల : చుంచనకోట గ్రామ కాంగ్రెస్‌ శాఖ అధ్యక్షుడి ఎంపిక వ్యవహారం పార్టీలో అసంతృప్తికి దారితీసింది. గ్రామ కార్యకర్తలతో సంప్రదించకుండా, పార్టీ శ్రేణులకు సమాచారం ఇవ్వకుండా మండల అధ్యక్షుడు మంజె మల్లేశం ఏకపక్షంగా నిర్ణయం తీసుకున్నారంటూ గ్రామ కాంగ్రెస్‌ కార్యకర్తలు తీవ్ర అభ్యంతరం వ్యక్తం చేశారు. ఈ నిర్ణయాన్ని తాము అంగీకరించడం లేదని స్పష్టం చేశారు. ఈ నేపథ్యంలో కార్యకర్తలంతా కలిసి సిద్దిపేట జిల్లా డీసీసీ అధ్యక్షురాలు తుంకుంట అంక్షారెడ్డిని కలిసి వినతిపత్రం సమర్పించారు. కార్యకర్తల అభిప్రాయాలకు ప్రాధాన్యమిస్తూ తమలో ఒకరైన బంగారు బాను ప్రసాద్‌ను గ్రామ శాఖ అధ్యక్షుడిగా నియమించాలని కోరారు. డీసీసీ అధ్యక్షురాలు స్వయంగా చుంచనకోటకు వచ్చి కార్యకర్తలందరి సమక్షంలో సమావేశం నిర్వహించి గ్రామ కమిటీని ఏర్పాటు చేయాలని విజ్ఞప్తి చేశారు. పార్టీ కోసం కష్టపడే కార్యకర్తల అభిప్రాయాలను గౌరవించాలని, ఏకపక్ష నిర్ణయాలకు తావివ్వకూడదని వారు స్పష్టం చేశారు.

📰 Share Epaper Clip