సూర్య తండాకు కమ్యూనిటీ కోఆర్డినేటర్ నియమించాలి…
డీఆర్డీఏ ప్రాజెక్ట్ డైరెక్టర్ నాగపద్మజకు సూర్య తండా సర్పంచ్ రాఘవేంద్ర వినతి…
కాకతీయ, గీసుగొండ: సూర్య తండా గ్రామపంచాయతీ పరిధిలోని 15 గ్రామ సంఘాలకు ప్రత్యేకంగా కమ్యూనిటీ కోఆర్డినేటర్ (సీఏ)ను నియమించాలని సేవాలాల్ గోర్ బంజారా ప్రజా సంఘం రాష్ట్ర అధ్యక్షులు,సూర్య తండా సర్పంచ్ బానోతు రాఘవేంద్ర కోరారు. ఈ మేరకు వరంగల్ జిల్లా డీఆర్డీఏ ప్రాజెక్ట్ డైరెక్టర్ కె. నాగ పద్మజకు గీసుగొండ మండలంలోని సూర్య తండ సర్పంచి రాఘవేంద్ర వినతిపత్రం అందజేశారు. ఈ సందర్భంగా సర్పంచ్ రాఘవేంద్ర మాట్లాడుతూ గ్రామ పంచాయతీ పరిధిలో 15 గ్రామ సంఘాలు పనిచేస్తున్నాయని, మహిళా స్వయం సహాయక సంఘాల సమావేశాలు, రికార్డుల నిర్వహణ, ప్రభుత్వ పథకాల అమలు, శిక్షణ కార్యక్రమాలు, మహిళా సంఘాల అభివృద్ధి తదితర కార్యకలాపాలను నిరంతరం పర్యవేక్షించేందుకు ప్రత్యేకంగా కమ్యూనిటీ కోఆర్డినేటర్ అవసరమని తెలిపారు. గ్రామ సంఘాల అవసరాలను పరిగణనలోకి తీసుకొని మహిళా సంఘాల అభివృద్ధి, ప్రభుత్వ పథకాల సమర్థవంతమైన అమలు కోసం ప్రత్యేకంగా ఒక కమ్యూనిటీ కోఆర్డినేటర్‌ను కేటాయించాలని డీఆర్డీఏ ప్రాజెక్ట్ డైరెక్టర్‌ను కోరారు.
