రాజన్న ఆలయానికి రూ. లక్ష విరాళం
భక్తి చాటుకున్న హైదరాబాద్‌ దంపతులు
కాకతీయ, వేములవాడ: రాజన్న సిరిసిల్ల జిల్లాలోని ప్రముఖ పుణ్యక్షేత్రం వేములవాడ శ్రీ రాజరాజేశ్వర స్వామి దేవస్థానానికి భక్తులు భారీ విరాళం అందజేశారు. హైదరాబాద్‌లోని చింతల్, హెచ్‌ఎంటీ ప్రాంతానికి చెందిన నీలారపు పద్మజ – శివకుమార్ దంపతులు స్వామివారిపై ఉన్న భక్తితో రూ. 1,00,016/-లను విరాళంగా సమర్పించారు. గురువారం ఆలయాన్ని సందర్శించిన దంపతులు, ఈ మొత్తాన్ని ఆలయ ఏఈఓ జి. శ్రావణ్ కుమార్‌కు అందజేశారు. ఈ సందర్భంగా ఏఈఓ మాట్లాడుతూ.. ఆలయ అభివృద్ధి, విస్తరణ పనులకు భక్తులు అందిస్తున్న సహకారం ఎంతో అభినందనీయమని పేర్కొన్నారు. దాతల సేవాభావాన్ని ఆయన ప్రత్యేకంగా కొనియాడారు. స్వామివారి కృపతో తమ కుటుంబం క్షేమంగా ఉందని, ఆలయ అభివృద్ధిలో భాగస్వాములు కావడం తమకు లభించిన అదృష్టమని దాతలు ఈ సందర్భంగా సంతోషం వ్యక్తం చేశారు.
