పేదల వైద్యుడికి సముచిత గుర్తింపు ఇవ్వాలి!
డాక్టర్ పెరుమాండ్ల రామకృష్ణ గారికి భారత రాజ్యాంగంలోని ఆర్టికల్ 171(5) ప్రకారం సామాజిక సేవా విభాగంలో గవర్నర్ కోటాలో ఎమ్మెల్సీ పదవి కల్పించాలి
ముఖ్యమంత్రి రేవంత్ రెడ్డి, రాజ్యసభ సభ్యులు వి. నరేందర్ రెడ్డి, పీసీసీ అధ్యక్షులు మహేష్ కుమార్ గౌడ్‌లకు కాంగ్రెస్ నాయకుల విజ్ఞప్తి
కాకతీయ, హనుమకొండ : ప్రజాసేవే లక్ష్యంగా పేద ప్రజలకు వైద్య సేవలు అందిస్తూ, దళితులు, బడుగు బలహీన వర్గాల అభ్యున్నతికి కృషి చేస్తున్న డాక్టర్ పెరుమాండ్ల రామకృష్ణ గారికి భారత రాజ్యాంగంలోని ఆర్టికల్ 171(5) ప్రకారం సామాజిక సేవా విభాగంలో గవర్నర్ కోటాలో ఎమ్మెల్సీ పదవి కల్పించేలా పరిశీలించాలని కాంగ్రెస్ నాయకులు ముఖ్యమంత్రి శ్రీ అనుముల రేవంత్ రెడ్డి గారికి, రాజ్యసభ సభ్యులు శ్రీ వి. నరేందర్ రెడ్డి గారికి, పీసీసీ అధ్యక్షులు శ్రీ మహేష్ కుమార్ గౌడ్ గారికి విజ్ఞప్తి చేశారు.
ఈ సందర్భంగా ఆత్మకూర్ మండల కాంగ్రెస్ పార్టీ వర్కింగ్ ప్రెసిడెంట్, దళిత రత్న అవార్డు గ్రహీత బరుపట్ల కిరీటి మాట్లాడుతూ, పేదలకు వైద్య సేవలు అందిస్తూ, సామాజిక సేవలో నిరంతరం ముందుకు సాగుతున్న డాక్టర్ పెరుమాండ్ల రామకృష్ణ గారి సేవలను గుర్తించి తగిన రాజకీయ గౌరవం కల్పించాలని కోరారు.
డాక్టర్ రామకృష్ణ గారి సామాజిక సేవలు, పేదలకు అందిస్తున్న వైద్య సేవలు, దళితులు మరియు బడుగు బలహీన వర్గాల కోసం చేస్తున్న కార్యక్రమాలను పరిగణనలోకి తీసుకుని ఆర్టికల్ 171(5)లో పేర్కొన్న సామాజిక సేవా విభాగంలో ఆయన అభ్యర్థిత్వాన్ని సానుకూలంగా పరిశీలించాలని కాంగ్రెస్ నాయకులు విజ్ఞప్తి చేశారు.
ముఖ్యమంత్రి శ్రీ రేవంత్ రెడ్డి గారు, రాజ్యసభ సభ్యులు శ్రీ వి. నరేందర్ రెడ్డి గారు, పీసీసీ అధ్యక్షులు శ్రీ మహేష్ కుమార్ గౌడ్ గారు డాక్టర్ పెరుమాండ్ల రామకృష్ణ గారి సేవలను పరిగణనలోకి తీసుకుని, గవర్నర్ కోటాలో ఎమ్మెల్సీగా అవకాశం కల్పించే అంశాన్ని సానుకూలంగా పరిశీలించాలని నాయకులు కోరారు.
ప్రజాసేవకు గుర్తింపు – దళితులకు సముచిత ప్రాతినిధ్యం – పేదల గొంతుకకు రాజకీయ బలం అనే లక్ష్యంతో డాక్టర్ పెరుమాండ్ల రామకృష్ణ గారికి ఆర్టికల్ 171(5) ప్రకారం సామాజిక సేవా విభాగంలో ఎమ్మెల్సీ పదవి కల్పించాలని వారు విజ్ఞప్తి చేశారు.
