అగ్నివీర్ పరీక్షలకు 90 రోజుల ఉచిత శిక్షణ
జిల్లా కలెక్టర్ కోయ శ్రీహర్ష
కాకతీయ, పెద్దపల్లి : జిల్లాలోని యువత సైన్యంలో చేరేందుకు అగ్నివీర్ పరీక్షలకు సిద్ధమయ్యేలా 90 రోజుల పాటు ఉచిత శిక్షణ అందించనున్నట్లు జిల్లా కలెక్టర్ కోయ శ్రీహర్ష ఒక ప్రకటనలో తెలిపారు. “అగ్నివీర్ యూపీహెచ్ఎస్ శిక్షణ పథకం–2026” ద్వారా అభ్యర్థులకు శారీరక, లిఖిత పరీక్షల శిక్షణతో పాటు మెడికల్ అవగాహన, గ్రౌండ్ ప్రాక్టీస్, యూనిఫాం, స్టడీ మెటీరియల్ వంటి సౌకర్యాలు కల్పించనున్నట్లు పేర్కొన్నారు. ఆసక్తి గల యువత ఫిబ్రవరి 23లోపు దరఖాస్తు చేసుకోవాలని ఫిబ్రవరి 25న మెడికల్ పరీక్షల ద్వారా అభ్యర్థుల ఎంపిక జరిపి మార్చి 1 నుంచి మే 31 వరకు శిక్షణ నిర్వహిస్తామని తెలిపారు. పెద్దపల్లి జిల్లాకు చెందిన 10వ తరగతి ఉత్తీర్ణులైన 17.5 నుంచి 22 సంవత్సరాల మధ్య వయస్సు గల పురుష అభ్యర్థులు మాత్రమే అర్హులని తెలిపారు. అభ్యర్థులు రుద్రమదేవి స్టేడియం, సెంటెనరీ కాలనీ, రామగిరిలో ఉదయం 6 నుంచి 8 గంటల మధ్య ఆధార్ కార్డు, పదో తరగతి మెమో, రెండు పాస్పోర్ట్ సైజు ఫోటోలతో రిజిస్ట్రేషన్ చేసుకోవాలని సూచించారు. మరిన్ని వివరాలకు 9573688952, 9949725997, 8106807784 నెంబర్లను సంప్రదించవచ్చని కలెక్టర్ ఆ ప్రకటనలో తెలిపారు.
