పేకాట స్థావరంపై టాస్క్‌ఫోర్స్‌ దాడి
ముగ్గురి అరెస్టు..పరారీలో ఒక‌రు..
రూ.36,670 నగదు, 3 సెల్‌ఫోన్లు స్వాధీనం
కాకతీయ, హసన్‌పర్తి : పేకాట ఆడుతూ పట్టుబడిన ముగ్గురిని అరెస్టు చేసి, వారి నుంచి రూ.36,670 నగదు, 3 సెల్‌ఫోన్లు, పేకముక్కలు స్వాధీనం చేసుకున్నట్లు ఏసీపీ ఎ. మధుసూదన్‌ తెలిపారు. విశ్వసనీయ సమాచారం మేరకు నవంబర్‌ 14న హసన్‌పర్తి పోలీస్‌స్టేషన్‌ పరిధిలోని ఎల్లాపూర్‌ గ్రామ శివారులో టాస్క్‌ఫోర్స్‌ బృందం దాడి నిర్వహించినట్లు వెల్లడించారు. ఈ దాడిలో హసన్‌పర్తికి చెందిన పిట్టల శ్రీనివాస్‌ (48), పెద్దమ్మ రమేష్‌ (47), కట్యాల రాములు (46) పట్టుబడ్డారని ఏసీపీ వివరించారు. వీరితోపాటు పేకాటలో పాల్గొన్నట్లు పేర్కొన్న పెద్దమ్మ క్రాంతి (30) పరారీలో ఉన్నట్లు తెలిపారు. పట్టుబడిన ముగ్గురిని, స్వాధీనం చేసుకున్న సొత్తును తదుపరి చట్టపరమైన చర్యల నిమిత్తం హసన్‌పర్తి పోలీసులకు అప్పగించినట్లు పేర్కొన్నారు. ఈ దాడిలో ఏసీపీ ఎ. మధుసూదన్‌, పోలీసు ఇన్‌స్పెక్టర్‌ బి. రాజగోపాల్‌, ఎస్సై కె. శ్యాంసుందర్‌, టాస్క్‌ఫోర్స్‌ సిబ్బంది పాల్గొన్నారు.
