జాతీయ, రాష్ట్ర కౌన్సిళ్లలో వరంగల్ జర్నలిస్టులకు చోటు!
టీయూడబ్ల్యూజే హెచ్-143 ఎన్నికల్లో పలువురికి ప్రాతినిధ్యం
జాతీయ కౌన్సిల్కు 10 మంది ఎంపిక
రాష్ట్ర కౌన్సిల్కు 17 మంది ఎన్నిక
నూతన సభ్యులకు యూనియన్ రాష్ట్ర ఉపాధ్యక్షుడు బి.ఆర్. లెనిన్ అభినందనలు
కాకతీయ, వరంగల్ : ఉమ్మడి వరంగల్ జిల్లా జర్నలిస్టులకు టీయూడబ్ల్యూజే హెచ్-143 జాతీయ, రాష్ట్ర కౌన్సిళ్లలో ప్రాతినిధ్యం లభించడం సంతోషకరమని యూనియన్ రాష్ట్ర ఉపాధ్యక్షుడు బి.ఆర్. లెనిన్ అన్నారు. నూతనంగా ఎంపికైన సభ్యులందరికీ అభినందనలు తెలిపారు. తెలంగాణ యూనియన్ ఆఫ్ వర్కింగ్ జర్నలిస్ట్స్ (టీయూడబ్ల్యూజే హెచ్-143) జాతీయ, రాష్ట్ర కౌన్సిల్ సభ్యుల ఎన్నికల ఫలితాలను యూనియన్ అధ్యక్షుడు అల్లం నారాయణ, ప్రధాన కార్యదర్శి మారుతీ సాగర్ అనుమతితో ఎన్నికల అధికారి గొర్ల బుచ్చన్న సోమవారం విడుదల చేశారు. జాతీయ కౌన్సిల్ సభ్యులుగా హనుమకొండకు చెందిన కక్కెర్ల జగన్, కక్కెర్ల అనిల్, దుంపల పవన్, మంచిక అరుణ్, మస్కపురి సుధాకర్; జనగామకు చెందిన ఎన్.ఆర్. అనిల్కుమార్; మహబూబాబాద్కు చెందిన టి. కృష్ణారెడ్డి; ములుగుకు చెందిన కొట్టె రాజిరెడ్డి; వరంగల్కు చెందిన తుమ్మ శ్రీధర్రెడ్డి, శంకేశి శంకర్రావు ఎంపికయ్యారు. అలాగే రాష్ట్ర కౌన్సిల్ సభ్యులుగా భూపాలపల్లికి చెందిన పి. శ్రవణ్కుమార్, దావు రాములు, నాగపూరి శ్రీనివాస్; హనుమకొండకు చెందిన వర్దల్లి లింగయ్య, నల్లపూరి విద్యాసాగర్, గొల్లపల్లి వెంకటరత్నం, సంపెట సుధాకర్, తోట తిరుమల్, ముల్క రవి; ములుగుకు చెందిన వసంత రమేష్, బి. శ్రీధర్రావు, రామిడి కృష్ణారెడ్డి, ఎస్.డి. అఫ్జల్ పాషా; వరంగల్కు చెందిన కంది భరత్కుమార్, గాడిచర్ల సదానందం, అల్లం రాజేష్వర్మ, ఆరెల్లి కిరణ్ ఎంపికయ్యారు.

