epaper
Monday, November 16, 2026
epaper
BREAKING NEWS
Loading News...

పట్టభద్రుల పోరు.. పార్టీలకు అగ్నిపరీక్ష!

పట్టభద్రుల పోరు.. పార్టీలకు అగ్నిపరీక్ష!
ఎన్రోల్మెంట్‌ నుంచే ఎన్నికల ప్రచారంలో అభ్యర్థులు
– ఉమ్మడి వరంగల్‌, నల్గొండ, ఖమ్మం జిల్లాల్లో పట్టభద్రుల చుట్టూ రాజకీయ పార్టీల ప్రదక్షిణలు
– కాంగ్రెస్‌ అభ్యర్థిగా  సర్వోత్తమ్‌రెడ్డి.. ప్రచారంలో సమన్వయ లోపంపై విమర్శలు
– బీఆర్‌ఎస్‌ అభ్యర్థిగా ఏనుగుల రాకేష్‌రెడ్డి పేరు.. అధికారిక ప్రకటన కోసం ఎదురుచూపులు
– బీజేపీలో డాక్టర్‌ వన్నాల వెంకటరమణ, డాక్టర్‌ తూటుపల్లి రవికుమార్‌ సహా పలువురి పోటీ
– స్వతంత్రులుగా పాలకుర్తి అశోక్‌గౌడ్‌, డి. రవి నాయక్‌ ప్రచారం
– బరిలోకి మెండెం కిరణ్‌కుమార్‌.. యువత, నిరుద్యోగులతో సమావేశాలు
– జనసేన అభ్యర్థిగా మాజీ డీహెచ్‌ గడల శ్రీనివాసరావు.. బస్సు యాత్రతో ప్రచారం
– విద్యావంతుల ఓటు ఎటువైపు.. ప్రధాన పార్టీలకు కీలక రాజకీయ పరీక్ష
కాకతీయ, వరంగల్‌ ప్రతినిధి: నల్గొండ–వరంగల్‌–ఖమ్మం పట్టభద్రుల ఎమ్మెల్సీ ఎన్నికల వేడి ముందుగానే రాజుకుంది. ఓటరు నమోదు ప్రక్రియ కొనసాగుతుండగానే రాజకీయ పార్టీలు, స్వతంత్ర అభ్యర్థులు క్షేత్రస్థాయిలో పట్టు సాధించేందుకు ప్రయత్నాలు ముమ్మరం చేస్తున్నారు. ఉమ్మడి వరంగల్‌, నల్గొండ, ఖమ్మం జిల్లాల్లోని నియోజకవర్గాల వారీగా పట్టభద్రులు, ఉద్యోగులు, నిరుద్యోగులను కలుస్తూ మద్దతు కోరుతున్నారు. కాంగ్రెస్‌ ఇప్పటికే రామరెడ్డి సర్వోత్తమ్‌రెడ్డిని అభ్యర్థిగా ప్రకటించగా, జనసేన గడల శ్రీనివాసరావును బరిలోకి దించింది. బీఆర్‌ఎస్‌ నుంచి గత ఎన్నికల్లో పోటీ చేసిన ఏనుగుల రాకేష్‌రెడ్డి పేరు ప్రధానంగా వినిపిస్తోంది. బీజేపీ అభ్యర్థి ఎంపిక ఇంకా కొలిక్కి రాలేదు. మరోవైపు స్వతంత్ర అభ్యర్థులు పాలకుర్తి అశోక్‌గౌడ్‌, డి. రవి నాయక్‌, మెండెం కిరణ్‌కుమార్‌ తమదైన శైలిలో ప్రచారాన్ని కొనసాగిస్తున్నారు. అధికార కాంగ్రెస్‌, ప్రతిపక్ష బీఆర్‌ఎస్‌పై ఉద్యోగులు, నిరుద్యోగులు, పట్టభద్రుల్లో ఉన్న అసంతృప్తిని తమకు అనుకూలంగా మలుచుకునేందుకు స్వతంత్రులు ప్రయత్నిస్తున్నారు. దీంతో ఈ ఎన్నికలు పార్టీల బలాబలాలకే కాకుండా విద్యావంతుల రాజకీయ వైఖరికి పరీక్షగా మారుతున్నాయి.
ఓటరు నమోదు నుంచే ప్రచార పర్వం
పట్టభద్రుల ఓటరు నమోదు ప్రక్రియను అభ్యర్థులు ప్రచారానికి వేదికగా మలుచుకుంటున్నారు. అర్హులైన పట్టభద్రులు ఓటరుగా నమోదు చేసుకోవాలని కోరుతూనే తమ అభ్యర్థిత్వాన్ని పరిచయం చేసుకుంటున్నారు. ఉమ్మడి మూడు జిల్లాల్లోని నియోజకవర్గాల పరిధిలో ఉద్యోగులు, నిరుద్యోగులు, విద్యావంతులను నేరుగా కలుస్తున్నారు. గ్రామాలు, పట్టణాలు, ఉద్యోగ సంఘాలు, విద్యాసంస్థల పరిధిలో సమావేశాలు నిర్వహిస్తూ మద్దతు కూడగట్టే ప్రయత్నం చేస్తున్నారు. ఈ ఎన్నికల్లో గతంలో నమోదైన ఓటర్ల జాబితాతో సరిపెట్టుకునే అవకాశం లేకపోవడంతో అర్హులైన పట్టభద్రులు తిరిగి నమోదు చేసుకోవాల్సి ఉంది. దీంతో పార్టీలకు ఓటరు నమోదు కూడా రాజకీయ కార్యాచరణలో కీలక అంశంగా మారింది. అక్టోబర్‌ 22 నాటికి 2.32 లక్షలకు పైగా దరఖాస్తులు అందగా, నవంబర్‌ 7 నాటికి ఉమ్మడి మూడు జిల్లాల పరిధిలో మొత్తం 6.52 లక్షలకు పైగా దరఖాస్తులు వచ్చినట్లు ఎన్నికల ప్రక్రియకు సంబంధించిన వివరాలు వెల్లడిస్తున్నాయి. ఓటరు జాబితాలో పేరు నమోదు చేయించడమే గెలుపు దిశగా తొలి అడుగుగా పార్టీలు భావిస్తున్నాయి.
కాంగ్రెస్‌ అభ్యర్థిగా రామరెడ్డి సర్వోత్తమ్‌రెడ్డి
అధికార కాంగ్రెస్‌ పార్టీ నల్గొండ–వరంగల్‌–ఖమ్మం పట్టభద్రుల ఎమ్మెల్సీ అభ్యర్థిగా రామరెడ్డి సర్వోత్తమ్‌రెడ్డిని ప్రకటించింది. మాజీ మంత్రి దామోదర్‌రెడ్డి కుమారుడైన ఆయన మూడు ఉమ్మడి జిల్లాల్లో పార్టీ నాయకులు, ప్రజాప్రతినిధులను కలుస్తూ ప్రచారాన్ని కొనసాగిస్తున్నారు. అయితే అభ్యర్థికి మద్దతుగా నియోజకవర్గ పరిధిలోని ఎమ్మెల్యేలు, ముఖ్య నాయకులు పూర్తిస్థాయిలో కదలడం లేదన్న విమర్శలు పార్టీ వర్గాల్లో వినిపిస్తున్నాయి. ఓటరు నమోదు, ప్రచార కార్యక్రమాల్లో ఎమ్మెల్యేల భాగస్వామ్యం ఆశించిన స్థాయిలో లేదని కొందరు నాయకులు అభిప్రాయపడుతున్నారు. ప్రభుత్వ పథకాలు, ఉద్యోగ నియామకాలు, పట్టభద్రులకు సంబంధించిన అంశాలను ఓటర్లకు వివరించేందుకు పార్టీ యంత్రాంగం సమన్వయంతో పనిచేయాల్సిన అవసరం ఉంది. అధికారంలో ఉన్న పార్టీకి ప్రజాప్రతినిధుల బలం ఉన్నప్పటికీ, అది ఎన్నికల ప్రచారంలో ప్రతిఫలించాలంటే నాయకులంతా అభ్యర్థి వెనుక ఏకతాటిపైకి రావాల్సి ఉంది. ఈ సమన్వయ లోపం కాంగ్రెస్‌ ప్రచారానికి సవాలుగా మారుతోంది.
బీఆర్‌ఎస్‌ నుంచి రాకేష్‌రెడ్డి పేరు ప్రచారం
గత పట్టభద్రుల ఎమ్మెల్సీ ఎన్నికల్లో బీఆర్‌ఎస్‌ తరఫున పోటీ చేసిన ఏనుగుల రాకేష్‌రెడ్డికి ఈసారి కూడా అవకాశం దక్కవచ్చనే అభిప్రాయం పార్టీ వర్గాల్లో వ్యక్తమవుతోంది. గత ఎన్నికల అనుభవం, మూడు జిల్లాల్లో ఆయనకు ఉన్న పరిచయాలు, పార్టీ శ్రేణులతో అనుబంధం ఆయనకు అనుకూల అంశాలుగా చర్చకు వస్తున్నాయి. అయితే పార్టీ అధికారికంగా అభ్యర్థిని ప్రకటించలేదు. రాకేష్‌రెడ్డితోపాటు మరికొందరు నాయకులు కూడా టికెట్‌ ఆశిస్తున్నట్లు తెలుస్తోంది. మరోవైపు బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ పట్టభద్రుల ఓటరు నమోదుపై పార్టీ శ్రేణులకు దిశానిర్దేశం చేస్తున్నారు. కాంగ్రెస్‌ ప్రభుత్వంపై ఉన్న అసంతృప్తిని తమకు అనుకూలంగా మలుచుకోవాలని బీఆర్‌ఎస్‌ భావిస్తోంది. అయితే గత పదేళ్ల పాలనలో నిరుద్యోగులు, ఉద్యోగులు, విద్యావంతులకు చేసిన పనులపై గతంలో వచ్చిన విమర్శలకు సమాధానం చెప్పాల్సిన పరిస్థితి కూడా ఆ పార్టీ ముందుంది.
బీజేపీలో టికెట్‌ కోసం పలువురి ప్రయత్నాలు
బీజేపీ అభ్యర్థి ఎంపిక ఇంకా తేలకపోవడంతో పార్టీ క్యాడర్‌లో ఉత్కంఠ కొనసాగుతోంది. ఈ స్థానానికి పలువురు నాయకులు టికెట్‌ ఆశిస్తున్నారు. వారిలో డాక్టర్‌ వన్నాల వెంకటరమణ, డాక్టర్‌ తూటుపల్లి రవికుమార్‌, పీఆర్‌టీయూ రాష్ట్ర అధ్యక్షుడు సుంకరి భిక్షం గౌడ్‌ పేర్లు ప్రధానంగా చర్చకు వస్తున్నాయి. ముఖ్యంగా బీసీ సామాజిక సమీకరణాలను దృష్టిలో పెట్టుకుని అభ్యర్థిని ఎంపిక చేయాలన్న అభిప్రాయం పార్టీ వర్గాల్లో ఉంది. డాక్టర్‌ తూటుపల్లి రవికుమార్‌ పార్టీ రాష్ట్ర కార్యదర్శిగా, సూర్యాపేట జిల్లా ఇన్‌చార్జిగా పనిచేస్తుండగా, డాక్టర్‌ వన్నాల వెంకటరమణ కూడా టికెట్‌ కోసం ప్రయత్నిస్తున్నారు. మరోవైపు సుంకరి భిక్షం గౌడ్‌ ఉపాధ్యాయ సంఘం మద్దతుతో పోటీకి సిద్ధమవుతున్నారు. ఆయనకు బీజేపీ, బీఆర్‌ఎస్‌ నాయకుల మద్దతు కోరే ప్రయత్నాలు కూడా కొనసాగుతున్నాయి. అభ్యర్థి ఎంపికలో జాప్యం వల్ల ప్రచారాన్ని ఎప్పుడు, ఎవరి నాయకత్వంలో ప్రారంభించాలన్న అంశంపై పార్టీ శ్రేణుల్లో స్పష్టత కోసం ఎదురుచూపులు కనిపిస్తున్నాయి.
స్వతంత్రులుగా పాలకుర్తి అశోక్‌గౌడ్‌, డి. రవి నాయక్‌ ప్రచారం
ప్రధాన పార్టీల అభ్యర్థుల ప్రకటనలతో సంబంధం లేకుండా స్వతంత్ర అభ్యర్థులు ప్రచారంలో చురుగ్గా ఉన్నారు. గత ఎన్నికల్లోనూ పోటీ చేసి గణనీయమైన ఓట్లు సాధించిన పాలకుర్తి అశోక్‌గౌడ్‌ ఈసారి మరోసారి బరిలోకి దిగుతున్నారు. గిరిజన సంఘాల నాయకుడు డి. రవి నాయక్‌ కూడా స్వతంత్ర అభ్యర్థిగా పోటీకి సిద్ధమయ్యారు. వీరు ఉమ్మడి వరంగల్‌, నల్గొండ, ఖమ్మం జిల్లాల పరిధిలో పట్టభద్రులు, ఉద్యోగులు, నిరుద్యోగులను కలుస్తూ మద్దతు కోరుతున్నారు. ఉద్యోగ నియామకాలు, నిరుద్యోగ సమస్యలు, ఉద్యోగుల హక్కులు, విద్యావంతులకు అవకాశాలు వంటి అంశాలను ప్రచారంలో ప్రధానంగా ప్రస్తావిస్తున్నారు. ప్రధాన పార్టీలపై ఉన్న అసంతృప్తిని ఓట్లుగా మలుచుకోవడమే లక్ష్యంగా ముందుకు సాగుతున్నారు. గత ఎన్నికల్లో స్వతంత్ర అభ్యర్థులకు లభించిన మద్దతు ఈసారి కూడా కొనసాగుతుందా అన్నది రాజకీయ వర్గాల్లో చర్చనీయాంశంగా మారింది.
మెండెం కిరణ్‌కుమార్‌ ప్రవేశంతో ఆసక్తికర సమీకరణాలు
రైట్‌ ఛాయిస్‌ ఐఏఎస్‌ అకాడమీ అధినేత మెండెం కిరణ్‌కుమార్‌ ఎన్నికల బరిలోకి రావడంతో పోటీకి మరో కోణం చేరింది. ఖమ్మం, కొత్తగూడెం ప్రాంతాల్లో సమావేశాలు నిర్వహిస్తూ పట్టభద్రుల ఓటరు నమోదు కార్యక్రమంలో పాల్గొంటున్నారు. మూడు ఉమ్మడి జిల్లాల్లో తనకు యువత, నిరుద్యోగుల మద్దతు ఉందని ఆయన చెబుతున్నారు. అకాడమీ ద్వారా ఉద్యోగాల కోసం శిక్షణ, మార్గదర్శనం పొందిన యువతతో తనకు అనుబంధం ఉందని ప్రచారం చేస్తున్నారు. మంత్రి పొంగులేటి శ్రీనివాసరెడ్డికి ఆయన సన్నిహితుడిగా ఉండటం కూడా రాజకీయ వర్గాల్లో చర్చకు దారితీస్తోంది. కాంగ్రెస్‌ అధికారిక అభ్యర్థిగా రామరెడ్డి సర్వోత్తమ్‌రెడ్డి ఉండగా, కిరణ్‌కుమార్‌ కూడా ఎన్నికల ప్రచారంలోకి రావడం పార్టీ అంతర్గత సమీకరణాలపై ఆసక్తిని పెంచుతోంది. మంత్రి పొంగులేటి ఆయనకు మద్దతుగా నిలుస్తారా, పార్టీ అభ్యర్థి ప్రచారానికే ప్రాధాన్యం ఇస్తారా అన్న చర్చ కాంగ్రెస్‌ వర్గాల్లో కొనసాగుతోంది.
జనసేన అభ్యర్థిగా గడల శ్రీనివాసరావు
ఆంధ్రప్రదేశ్‌లో కూటమి ప్రభుత్వంలో భాగస్వామిగా ఉన్న జనసేన తెలంగాణ పట్టభద్రుల ఎమ్మెల్సీ ఎన్నికల్లోనూ తన ఉనికిని చాటుకునే ప్రయత్నం చేస్తోంది. మాజీ డీహెచ్‌ గడల శ్రీనివాసరావును అభ్యర్థిగా ఎంపిక చేసిన ఆ పార్టీ ప్రచారాన్ని ముందుగానే ప్రారంభించింది. గడల శ్రీనివాసరావు ఉమ్మడి నల్గొండ, ఖమ్మం, వరంగల్‌ జిల్లాల్లో బస్సు యాత్ర నిర్వహిస్తూ ఒక విడత ప్రచారాన్ని పూర్తి చేశారు. రానున్న రోజుల్లో మరింత విస్తృతంగా ప్రచారం నిర్వహించేందుకు సన్నాహాలు చేస్తున్నారు. ఆయనకు మద్దతుగా సామాజిక మాధ్యమ విభాగాన్ని బలోపేతం చేయడంపైనా జనసేన దృష్టి పెట్టింది. మూడు జిల్లాల్లో పార్టీ శ్రేణులను సమన్వయం చేసుకుంటూ పట్టభద్రుల ఓటర్లకు చేరువయ్యే ప్రయత్నం చేస్తోంది. తెలంగాణలోనూ రాజకీయంగా పార్టీ ప్రభావాన్ని విస్తరించేందుకు ఈ ఎన్నికలను అవకాశంగా మలుచుకోవాలని జనసేన భావిస్తోంది.
విద్యావంతుల ఓటు.. పార్టీలకు లిట్మస్‌ టెస్ట్‌
నల్గొండ–వరంగల్‌–ఖమ్మం పట్టభద్రుల ఎమ్మెల్సీ ఎన్నికలు ప్రధాన పార్టీలకు కీలక పరీక్షగా మారనున్నాయి. కాంగ్రెస్‌ ప్రభుత్వ పనితీరుపై పట్టభద్రుల స్పందన, బీఆర్‌ఎస్‌ గత పదేళ్ల పాలనపై వారి అభిప్రాయం, బీజేపీ అభ్యర్థి ఎంపిక, జనసేన ప్రచారం, స్వతంత్రుల ప్రభావం.. ఇవన్నీ ఎన్నికల పోటీని ప్రభావితం చేసే అంశాలుగా మారుతున్నాయి. కాంగ్రెస్‌ అభ్యర్థికి పార్టీ ఎమ్మెల్యేలు, నాయకుల మద్దతు ఎంతవరకు లభిస్తుంది, బీఆర్‌ఎస్‌ ఎవరిని బరిలోకి దింపుతుంది, బీజేపీ ఎవరికి అవకాశం ఇస్తుంది, స్వతంత్ర అభ్యర్థులు తమ ప్రచారాన్ని ఓట్లుగా ఎంతవరకు మలుచుకుంటారు అన్నది కీలకంగా మారింది. ఎన్నికల నోటిఫికేషన్‌ ఫిబ్రవరిలో వెలువడే అవకాశం ఉండగా, మార్చి 2027లో పోలింగ్‌ జరిగే సూచనలు ఉన్నాయి. తుది ఓటరు జాబితా సిద్ధమైన తర్వాత ప్రచారం మరింత ఊపందుకోనుంది. మొత్తంగా పట్టభద్రులు, ఉద్యోగులు, నిరుద్యోగుల ఓటు ఎటువైపు మళ్లుతుందన్నది ఈ ఎన్నికల్లో ప్రధాన రాజకీయ చర్చగా నిలవనుంది.

అప్‌డేట్ న్యూస్ కోసం కాక‌తీయ వాట్సాప్ చానెల్‌ను ఫాలోకండి

Related Articles

జాతీయ, రాష్ట్ర కౌన్సిళ్లలో వరంగల్‌ జర్నలిస్టులకు చోటు!

జాతీయ, రాష్ట్ర కౌన్సిళ్లలో వరంగల్‌ జర్నలిస్టులకు చోటు! టీయూడబ్ల్యూజే హెచ్‌-143 ఎన్నికల్లో పలువురికి...

రైతుల ధాన్యానికి భరోసా

రైతుల ధాన్యానికి భరోసా కాకతీయ, ఏటూరునాగారం : రైతులు పండించిన ధాన్యాన్ని దళారులకు...

22న హనుమకొండకు కేటీఆర్‌..!

22న హనుమకొండకు కేటీఆర్‌..! వరంగల్‌లో భారీ బహిరంగ సభ నిర్వహణకు బీఆర్ఎస్‌ నిర్ణయం ఏర్పాట్లపై...

నేటి నుంచి ఏనుమాముల మార్కెట్‌ యథావిధిగా!

నేటి నుంచి ఏనుమాముల మార్కెట్‌ యథావిధిగా! కేసు ఉపసంహరణపై ఒప్పందం..  మూడు గంటల చర్చల...

పేదలకు అండగా సంక్షేమ పథకాలు

పేదలకు అండగా సంక్షేమ పథకాలు చేయూత పెన్షన్ల మంజూరు పత్రాలు అందజేత ఎమ్మెల్యే మామిడాల...

శ్రీ సిద్ధి లింగేశ్వర స్వామిని దర్శించుకున్న ఎమ్మెల్యే రేవూరి

శ్రీ సిద్ధి లింగేశ్వర స్వామిని దర్శించుకున్న ఎమ్మెల్యే రేవూరి కాకతీయ, ఆత్మకూర్‌ :...

గిరిజన దర్బార్‌కు విన‌తుల‌ వెల్లువ

గిరిజన దర్బార్‌కు విన‌తుల‌ వెల్లువ 20 వినతులు స్వీకరణ.. పరిష్కారానికి అధికారులకు ఆదేశాలు ఇసుక...

అర్హులైన ప్రతి ఒక్కరికీ చేయూత పింఛన్‌!

అర్హులైన ప్రతి ఒక్కరికీ చేయూత పింఛన్‌! రాష్ట్రవ్యాప్తంగా 4.5 లక్షల మందికి కొత్త...

జిల్లా వార్త‌లు

తాజా వార్త‌లు

గుడ్ న్యూస్.. సింగరేణి చరిత్రలోనే తొలిసారిగా మ‌హిళ‌ల‌కు ఉద్యోగావ‌కాశాలు..!!

కాక‌తీయ‌, తెలంగాణ బ్యూరో : సింగరేణి సంస్థలో ప్రస్తుతం జనరల్ అసిస్టెంట్‌గా...

ఫ్రీ బస్సు పథకం ఎత్తివేయాలని మహిళల ధర్నా..!!

కాకతీయ, తెలంగాణ బ్యూరో: తెలంగాణ సర్కార్ మహాలక్ష్మీ స్కీమ్ కింద మహిళలకు...

ముంచుకొస్తున్న మరో అల్పపీడనం.. తెలుగు రాష్ట్రాల్లో భారీ వర్షాలు..!!

కాకతీయ, తెలంగాణ బ్యూరో: తెలుగు రాష్ట్రాలకు మరో ముప్పు అల్పపీడనం రూపంలో...

గ్రామ పంచాయ‌తీ ఎన్నిక‌ల నిర్వ‌హ‌ణ‌లో కీల‌క అప్డేట్‌…నోటిఫికేషన్ విడుదల చేసిన ఈసీ..!!

కాకతీయ, తెలంగాణ బ్యూరో:  తెలంగాణలో స్థానిక సంస్థలకు ఎన్నికలు ఇప్పటి వరకే జరగాల్సి...

యూరియా కోసం మరో నిండు ప్రాణం బలి

యూరియా కోసం మరో నిండు ప్రాణం బలి రోడ్డు ప్రమాదంలో ఒకరి మృతి... కాకతీయ,...

కాక‌తీయ స్పెష‌ల్‌

ముంబైపై బిష్ణోయ్‌ గురి!

ముంబైపై బిష్ణోయ్‌ గురి! దావూద్‌ తర్వాత మాఫియా పగ్గాలు చేపట్టే వ్యూహమా? సిద్ధూ మూసేవాలా...

జంగా అంటే.. వ్య‌క్తి కాదు..వ్య‌వస్థ‌

జంగా అంటే.. వ్య‌క్తి కాదు..వ్య‌వస్థ‌ ఐదు నియోజ‌క‌వ‌ర్గాల్లో నాకు స్ప‌ష్ట‌మైన ఓటు బ్యాంకు! విద్యార్థి...

రౌడీయిజానికి నో ఛాన్స్‌!

రౌడీయిజానికి నో ఛాన్స్‌! నేర చరిత్ర ఉన్న‌వారిపై నిఘా ఉంచుతాం భూ వివాదాల కేసుల్లో...

పోరాటమే నా బలం

పోరాటమే నా బలం నా రాజకీయ ప్రస్థానానికి అదే పునాది దాట్లలో మా మూలాలు.....

కేసీఆర్‌ మామే మా పెళ్లి చేసిండు..!

కేసీఆర్‌ మామే మా పెళ్లి చేసిండు..! చిన్నప్ప‌టి నుంచే రాజకీయాలపై నాకు ఆసక్తి టీడీపీలో...

ఆ అవమానం నా జీవితాన్నే మార్చేసింది

ఆ అవమానం నా జీవితాన్నే మార్చేసింది ఎమ్మెల్సీగా పోటీ చేసే అవ‌కాశం ఇచ్చిన...

మా వారి నుంచే రాజకీయ ఓనమాలు!

మా వారి నుంచే రాజకీయ ఓనమాలు! మామ ప్రోత్సాహంతో 1991లో రాజకీయ అరంగేట్రం వైఎస్సార్‌...

యుద్ధం..సందిగ్ధంలో

యుద్ధం..సందిగ్ధంలో ఫ‌లించని అమెరికా అధ్య‌క్షుడు ట్రంప్ వ్యూహాలు తొంద‌ర పాటు నిర్ణ‌యాల‌తో చిక్కుల్లో తక్షణ లాభాలు,...
spot_img

Popular Categories

spot_img
App Icon

Install UKN News App

Add to home screen for faster loading and latest updates.