టీచర్ ట్రైనింగ్ తరగతులను సద్వినియోగం చేసుకోవాలి
సింగరేణి డి‌జి‌ఎం(పర్సనల్) వెల్ఫేర్ కేసా నారాయణరావు
కాకతీయ, కొత్తగూడెం : సింగరేణి సేవా సమితి ద్వారా ఇచ్చే ప్రీ ప్రైమరీ టీచర్ ట్రైనింగ్ తరగతులను సద్వినియోగం చేసుకోవాలని సింగరేణి డి‌జి‌ఎం(పర్సనల్) వెల్ఫేర్ కేసా నారాయణరావు అన్నారు.
సింగరేణి సంస్థ సింగరేణి సేవా సమితి ద్వారా సింగరేణి గృహిణుల‌తో పాటు పరిసర ప్రాంత మహిళలకు వృత్తి శిక్షణ తరగతుల ద్వారా శిక్షణ ఇచ్చి తద్వారా మహిళలు ఆర్ధికంగా ఎదగాలనే ఉద్దేశంతో 2025-26 ఆర్ధిక సంవత్సరంలో సింగరేణి సేవా సమితి ద్వారా 6 నెలల పాటు కొత్తగూడెం సింగరేణి పాఠశాలలో నిర్వహిస్తున్న ఉచిత ప్రీ ప్రైమరీ టీచర్ ట్రైనింగ్ కోచింగ్ శిక్షణా తరగతులను డి‌జి‌ఎం(పర్సనల్) వెల్ఫేర్ కేసా నారాయణరావు సోమవారం పరిశీలించారు. ఈ సందర్భంగా మాట్లాడుతూ సింగరేణి సంస్థ ఇస్తున్న ఈ ప్రీ ప్రైమరీ టీచర్ ట్రైనింగ్ కోచింగ్ శిక్షణా తరగతులను సద్వినియోగం చేసుకోవాల‌న్నారు. కార్యక్రమంలో డి‌జి‌ఎం(పర్సనల్) వెల్ఫేర్ కేసా నారాయణ రావుతో పాటు కమ్మ్యూనికేషన్ ఆఫీసర్ ఎన్.సుజ్ఞాన్, సేవా కొ-ఆర్డినేటర్ ఇజాజ్ షరీఫ్, సేవా సెక్రటరీ బి.మాధవీ స్వర్ణలత, శిక్షకులు ఇందిర, కళ్యాణి మహిళలు పాల్గొన్నారు.
