ఉపసర్పంచ్ బీఆర్ఎస్లో చేరినా కాంగ్రెస్కు నష్టం లేదు
ప్రజలిచ్చిన పదవికి, వార్డు ప్రజల విశ్వాసానికి గౌరవం ఇవ్వాలి
పదవికి రాజీనామా చేసి మళ్లీ గెలిచి విశ్వసనీయత నిరూపించుకోవాలి
కాంగ్రెస్ పార్టీ మండల అధ్యక్షుడు బైరు అశోక్ గౌడ్
కాకతీయ, ఇనుగుర్తి: స్థానిక ఉపసర్పంచ్ బీఆర్ఎస్లో చేరినంత మాత్రాన కాంగ్రెస్ పార్టీకి ఎలాంటి నష్టం లేదని కాంగ్రెస్ పార్టీ మండల అధ్యక్షుడు బైరు అశోక్ గౌడ్ అన్నారు. శనివారం ఇనుగుర్తి మండల కేంద్రంలో మాజీ మండల పార్టీ అధ్యక్షుడు కూరెళ్లి సతీష్, దిశా కమిటీ సభ్యుడు గుజ్జునూరి బాబురావు, వార్డు మెంబర్ నద్దునూరి ప్రశాంత్తో కలిసి ఆయన మాట్లాడారు. ప్రజలు ఇచ్చిన పదవికి, వార్డు ప్రజల విశ్వాసానికి గౌరవం ఇవ్వాలని సూచించారు. పదవికి రాజీనామా చేసి తిరిగి వార్డు మెంబర్గా పోటీ చేసి గెలిచి విశ్వసనీయతను నిరూపించుకోవాలని అన్నారు. ఒక వ్యక్తి పార్టీని వీడినంత మాత్రాన కాంగ్రెస్కు నష్టం జరగదని, ఇనుగుర్తి మండల కేంద్రంలో పార్టీ బలంగా ఉందన్నారు. కార్యకర్తలు అధైర్యపడాల్సిన అవసరం లేదని, ప్రతి కార్యకర్తకు మండల పార్టీ, స్థానిక నాయకత్వం అండగా ఉంటుందని భరోసా ఇచ్చారు. కార్యక్రమంలో మార్కెట్ డైరెక్టర్ కొట్టం రాము, సీనియర్ నాయకులు మామిడి జనార్ధన్, కుంచాల రమేష్, కొణతం రాములు, బ్లాక్ కాంగ్రెస్ ఉపాధ్యక్షుడు ఇస్లావత్ చందు, మహంకాళి సలీం, వార్డు మెంబర్లు శ్రీకాంత్, భూర ఇస్తారి, సురేష్, కొలిపాక నారాయణ, కొణతం ప్రభాకర్, నాగేల్లి సుధీర్ తదితరులు పాల్గొన్నారు.
