రఘునాథపల్లిలో భారీ చోరీ
- అంగన్‌వాడీ టీచర్‌ ఇంట్లో దొంగల బీభత్సం
- బంగారు ఆభరణాలు, రూ.2 లక్షల నగదు అపహరణ
- ఇంటికి తాళం పగులగొట్టి చోరీ
కాకతీయ, రఘునాథపల్లి:
హైదరాబాద్‌–వరంగల్‌ జాతీయ రహదారిపై ఉన్న రఘునాథపల్లి మండల కేంద్రంలో ఆదివారం తెల్లవారుజామున భారీ చోరీ జరిగింది. అంగన్‌వాడీ టీచర్‌గా పనిచేస్తూ అద్దె ఇంట్లో నివసిస్తున్న ఓ మహిళ ఇంటిని దొంగలు లక్ష్యంగా చేసుకున్నారు. బాధితురాలు బంధువుల ఇంట్లో పెళ్లికి వెళ్లిన సమయంలో ఇంటి తాళం పగులగొట్టి లోపలికి ప్రవేశించారు.
బంగారం, నగదు అపహరణ
ఇంట్లో ఉన్న బంగారు ఆభరణాలు, సుమారు రూ.2 లక్షల నగదును దొంగిలించినట్లు బాధితులు తెలిపారు. పెళ్లి నుంచి తిరిగి వచ్చేసరికి ఇంటి తాళం పగులగొట్టి ఉండటాన్ని గుర్తించి పరిశీలించగా చోరీ జరిగిన విషయం వెలుగులోకి వచ్చింది. ఘటనపై బాధితులు ఆవేదన వ్యక్తం చేశారు.
