రాష్ట్రస్థాయి క్రీడ పోటీలకు ఆలేరు విద్యార్థులు
కాకతీయ, నెల్లికుదురు : మండలంలోని ఆలేరు ఉన్నత పాఠశాలలో చదువుతున్న యశ్వంత్, గణేష్ తేజ్ ఇద్దరు విద్యార్థులు రాష్ట్రస్థాయి పోటీలలో ఎంపికయ్యారని పాఠశాల ప్రధానోపాధ్యాయులు, ఎంఈఓ రాందాస్ అన్నారు. మంగళవారం సందర్భంగా వారు మాట్లాడుతూ యశ్వంత్ సాఫ్ట్ బాల్ అసోసియేషన్ ఆధ్వర్యంలో జూనియర్ పోటీలలో ఎంపిక పోటీలో పాల్గొని ఎంపికయ్యారని ఈనెల 13 నుండి నిజామాబాద్ జిల్లాలో నుండి జరుగునున్న రాష్ట్రస్థాయి సాఫ్ట్ బాల్ పోటీలలో పాల్గొంటారని, మరియు గణేష్ తేజ్ ఈనెల 12న జనగాం జిల్లాలో జరగనున్న ఎస్ జి ఎఫ్ రాష్ట్రస్థాయి సెపక్ తాక్రా 14 విభాగంలో ఉమ్మడి వరంగల్ జిల్లా తరఫున పాల్గొనబోతున్నట్లు తెలిపారు. వీరి ఎంపిక పట్ల విద్యార్థులను మరియు పాఠశాల ఫిజికల్ డైరెక్టర్ ను పాఠశాల ఉపాధ్యాయులు, గ్రామస్తులు అమ్మ ఆదర్శ పాఠశాల కమిటీ సభ్యులు విద్యార్థులను అభినందించారు.
