60 మంది విద్యార్థులకు సైకిళ్లు పంపిణీ చేసిన శోభన్ బాబు
సైకిల్ పంపిణీ చేయడం అభినందనీయం
కేసముద్రం మార్కెట్ చైర్మన్ గంట సంజీవరెడ్డి
కాకతీయ, ఇనుగుర్తి: ఇనుగుర్తి మండలం లోని గ్రామీణ ప్రాంతాల్లోని ప్రభుత్వ పాఠశాలల విద్యార్థులు ప్రతిరోజూ కిలోమీటర్ల దూరం నడుచుకుంటూ పాఠశాలకు చేరడానికి పడుతున్న ఇబ్బందులను గుర్తించి, వారి చదువుకు ప్రోత్సాహం కల్పించేందుకు అయ్యగారి పెళ్లి గ్రామానికి చెందిన యువ నేత ఓకే శోభన్ బాబు 60 మంది విద్యార్థులకు సైకిళ్లు పంపిణీ చేయడం అభినందనీయమని కేసముద్రం మార్కెట్ చైర్మన్ గంట సంజీవరెడ్డి అన్నారు. మంగళవారం అయ్యగారి పెళ్లి గ్రామంలోని బొడ్రాయి సెంటర్లో సైకిలు బహూకరించిన దాత భూక్య శోభన్ బాబుతో కలిసి మార్కెట్ చైర్మన్ సంజీవరెడ్డి, స్థానిక తహసిల్దార్ శ్రీనివాస్, ఎస్సై గంగారపు కరుణాకర్, ఎంఈఓ లతో కలిసి ఇనుగుర్తి, కోమటపల్లి, చిన్న ముప్పారం ప్రభుత్వ హైస్కూల్లకు చెందిన 60 మంది అర్హులైన విద్యార్థులకు సైకిళ్లు పంపిణీ చేశారు. సందర్భంగా దాత శోభన్ బాబు మాట్లాడుతూ గ్రామీణ ప్రభుత్వ పాఠశాలల్లో చదువుతున్న పిల్లలు ప్రతిరోజూ దూరాలు నడుస్తూ పాఠశాలకు చేరుతున్నారు. వారి భవిష్యత్తు కోసం ఈ చిన్న సహాయం చేయడం నా సామాజిక బాధ్యతగా భావిస్తున్నానని పుట్టిన ఊరు, పుట్టిన మండలానికి సేవ చేయడం నా అదృష్టంగా భావిస్తుఈ కార్యక్రమం విజయవంతం కావటానికి ప్రేరణనిచ్చిన వై.వి. గోపాలకృష్ణ మూర్తి కి హృదయపూర్వక ధన్యవాదాలు తెలిపారు. అనంతరం పాల్గొన్న ముఖ్య అతిథులు మాట్లాడుతూ శోభన్బాబు చదువులో, వ్యాపారంలో ఎదిగినా పుట్టిన ఊరి పట్ల ఉన్న సేవాభావం మరింత గొప్పదిని గ్రామాభివృద్ధి కోసం ఇలాంటి ఆలోచనలు చేయడం నిజంగా భవిష్యత్తులో మండల అభివృద్ధికి శోభన్బాబు సేవలు మరింత ఉంటాయన్నారు.కాంగ్రెస్ పార్టీ తరఫున విద్యార్థుల అభివృద్ధి కోసం వంతు కూడా చేస్తామని అన్నారు.పిల్లల విద్య కోసం ముందడుగు వేసిన భుక్య శోభన్బాబు మరియు వై.వి. గోపాలకృష్ణ మూర్తి కి మండల ప్రజలు హృదయపూర్వక కృతజ్ఞతలు తెలిపారు. ఈ కార్యక్రమంలో మాజీ సర్పంచ్ మామిడి శోభన్, మాజీ ఎంపిటిసిలు మామిడి జనార్ధన్, మాలోత్ మంజుల, మంగ్య నాయక్, లైన్స్ క్లబ్ అశోక్, కాంగ్రెస్ పార్టీ జిల్లా, మండల, గ్రామ నాయకులు గ్రామస్తులు తదితరులు పాల్గొన్నారు.
