రేపు వరంగల్కు కేటీఆర్
హన్మకొండ జిల్లా పార్టీ కార్యాలయంలో మీటింగ్
ముఖ్య నేతలు, ప్రజాప్రతినిధులతో కీలక భేటీ
స్థానిక ఎన్నికలపై శ్రేణులకు దిశానిర్దేశం
ఈనెల 29న దీక్ష దివాస్ ఏర్పాట్లపైనా సమీక్ష!
కాకతీయ, వరంగల్: బీఆర్ఎస్ వర్కింగ్ ప్రెసిడెంట్ కేటీఆర్ రేపు (బుధవారం) వరంగల్కు రానున్నారు.
ఈనెల 29న దీక్ష దివాస్, త్వరలో జరగబోయే స్థానిక సంస్థల ఎన్నికలపై ఏర్పాటు చేసిన సన్నాహక సమావేశంలో పాల్గొననున్నారు. ఉదయం 11 గంటలకు హన్మకొండ జిల్లా పార్టీ కార్యాలయంలో పార్టీ ముఖ్య నేతలు, ప్రజాప్రతినిధులు, మాజీ ప్రజాప్రతినిధులతో సమావేశం కానున్నారు. స్థానిక సంస్థల ఎన్నికలను ప్రతిష్టాత్మకంగా భావిస్తున్న బీఆర్ఎస్ నాయకత్వం ఇప్పటి నుంచే శ్రేణులను సమాయత్తం చేసేందుకు సిద్ధమైంది. ఇప్పటికే కేటీఆర్ పర్యటనకు సంబంధించి షెడ్యూల్ ఖరారుకాగా ఇందుకు సంబంధించిన ఏర్పాట్లలో నేతలు తలమునకలయ్యారు. ఉమ్మడి జిల్లాలోని వివిధ మండలాలు, మున్సిపాలిటీలు, కార్పొరేషన్లోని వివిధ డివిజన్లకు చెందిన బీఆర్ఎస్ మండల, గ్రామ, డివిజన్, అనునబంధ కమిటీల అధ్యక్ష, కార్యదర్షులు, కమిటీ సభ్యులు, సమన్వయ కమిటీ సభ్యులు, ప్రజాప్రతినిధులు, మాజీ ప్రజాప్రతినిధులు హాజరై కార్యక్రమాన్ని విజయవంతం చేయాలని నేతలు కోరారు.
