కాకతీయ, నేషనల్ డెస్క్: ఈరోజుల్లో భార్యభర్తలు ఇద్దరు ఉద్యోగాలు చేస్తేనే కుటుంబాలు గడుస్తున్నాయి. ఇలా ఇద్దరు ఉద్యోగాలు చేస్తే ఎలాంటి ఆర్థిక సమస్యలు లేకుండా సంసారాన్ని నెట్టుకొచ్చే వీలుంటుంది. అయితే పట్టణాల్లో ఉద్యోగాలు వెళ్లే దంపతులు ఇష్టం ఉన్నా లేకపోయినా మరో మార్గం లేక తమ పిల్లలను డేకేర్ సెంటర్ లో వదులుతున్నారు. అలాంటి ప్రదేశంలో చిన్నారులను ప్రేమగా చూడాల్సిన సిబ్బంది దారుణంగా వ్యవహరిస్తున్నారు. ఇలాంటి ఘటన ఒకటి ఇప్పుడు వైరల్ గా మారింది.
యూపీలోని నోయిడాకు చెందిన దంపతులు తమ 15నెలల పాపను స్థానికంగా ఉన్న ఓ డేకేర్ సెంటర్ లో వదిలి ఉద్యోగానికి వెళ్తుండేవారు. అయితే ఓ రోజు చిన్నారిని డేకేర్ నుంచి ఇంటికి తీసుకవచ్చి దుస్తువులు మార్చుతున్న క్రమంలో చిన్నారి ఒంటిపై గాయాలు, కొరికిన గుర్తులను గుర్తించారు. వెంటనే డేకేర్ సెంటర్ కు వెళ్లీ అక్కడున్న సీసీకెమెరా ఫుటేజీని పరిశీలించారు. అందులో ఆయా గా పనిచేస్తున్న యువతి చిన్నారి పట్ల వ్యవహరించిన తీరు దిగ్భ్రాంతికి గురి చేసింది. చిన్నారిని కిందపడేసి, గోడకేసి, ప్లాస్టిక్ బ్యాట్ తో కొడుతున్న ద్రుశ్యాలు సీసీ ఫుటేజీలో రికార్డు అయ్యాయి.
#Noida DAY CARE HORROR: A 15-month-old child was beaten, head smashed against a wall, dropped on the ground and bitten.
Every working parent’s worst nightmare! pic.twitter.com/KttIyyL0g3
— Karan Singh (@Journo_Karan) August 11, 2025
ఈ విషయం తెలిసినప్పటికీ యాజమాన్యం చిన్నారిని కాపాడే ప్రయత్నం చేయలేదని..ప్రశ్నించినందుకు తమపై దుర్భాషలాడారని బాధితులు ఆరోపిస్తూ పోలీసులను ఆశ్రయించారు. వీడియోలో రికార్డు అయిన ద్రుశ్యాల ఆధారంగా కేసు నమోదు చేసి…డే కేర్ సెంటర్ లో పనిచేస్తున్న ఆ యువతిని అదుపులోకి తీసుకున్నట్లు పోలీసులు తెలిపారు. అయితే ఈ ఘటన సోషల్ మీడియాలో వైరల్ గా మారింది. డేకేర్ లో చిన్నారులపై అమానుషంగా ప్రవర్తించడంపై కఠిన చర్యలు తీసుకోవాలని నెటిజన్లు సైతం డిమాండ్ చేస్తున్నారు.
