రుద్రంగిలో ఇందిరమ్మ ఇళ్లకు భూమిపూజ..!
కాకతీయ, రుద్రంగి : రాజన్న సిరిసిల్ల జిల్లా రుద్రంగి మండల కేంద్రంలో ఇందిరమ్మ ఇళ్ల నిర్మాణ పనులకు సోమవారం శ్రీకారం చుట్టారు. లబ్ధిదారులు పున్నూరి మల్లవ్వ, రేగుల మల్లవ్వలకు మంజూరైన ఇళ్ల నిర్మాణ పనులకు గ్రామ సర్పంచ్ గండి నారాయణ భూమిపూజ నిర్వహించారు. ఈ సందర్భంగా సర్పంచ్ మాట్లాడుతూ అర్హులైన ప్రతి కుటుంబం ప్రభుత్వ సహాయాన్ని సద్వినియోగం చేసుకుని సొంతింటి కలను సాకారం చేసుకోవాలని సూచించారు. ఇళ్లు మంజూరు చేసిన ఎమ్మెల్యే ఆది శ్రీనివాస్కు లబ్ధిదారులు కృతజ్ఞతలు తెలిపారు. కార్యక్రమంలో ఇందిరమ్మ కమిటీ సభ్యుడు తర్రె లింగం, ఏఎంసీ చైర్మన్ చేలుకల తిరుపతి, కాంగ్రెస్ మండల అధ్యక్షుడు ఎర్రం గంగనర్సయ్య, వార్డు సభ్యులు, కాంగ్రెస్ నాయకులు పాల్గొన్నారు.
