ఇది కాంగ్రెస్ ప్రభుత్వమా.. కమిటీల ప్రభుత్వమా?
ఉద్యోగుల సమస్యలపై కమిటీల పేరుతో కాలయాపన
పెండింగ్ డీఏలు వెంటనే విడుదల చేయాలి
పీఆర్సీ అమలు చేసి ఉద్యోగులకు న్యాయం చేయాలి
సీపీఎస్ రద్దు చేసి ఓపీఎస్ అమలు చేయాలి
ఈహెచ్ఎస్ను పూర్తిస్థాయిలో అమలు చేయాలి
బీఆర్ఎస్ రాష్ట్ర నాయకుడు ఏనుగుల రాకేష్రెడ్డి
కాకతీయ, హైదరాబాద్ : ఉద్యోగులను బాధ్యులను చేసి ప్రజల్లో దోషులుగా చూపేందుకు రేవంత్రెడ్డి ప్రభుత్వం ప్రయత్నిస్తోందని బీఆర్ఎస్ రాష్ట్ర నాయకుడు ఏనుగుల రాకేష్రెడ్డి విమర్శించారు. ఉద్యోగుల హక్కులపై కాంగ్రెస్ ప్రభుత్వానికి చిత్తశుద్ధి లేదని, కమిటీల పేరుతో సమస్యలను వాయిదా వేస్తోందని అన్నారు. పెండింగ్ డీఏలు విడుదల చేసి, పీఆర్సీ అమలు చేయాలని డిమాండ్ చేశారు. డీఏలు చెల్లించాల్సింది, పీఆర్సీ అమలు చేయాల్సింది ప్రభుత్వమేనని రాకేష్రెడ్డి అన్నారు. ప్రభుత్వం వాటిని అమలు చేయకుండా ఉద్యోగులు తమ హక్కులు అడిగితే వారినే తప్పుపట్టడం సరికాదన్నారు. ఎన్నికల సమయంలో ఇచ్చిన డీఏలు, పీఆర్సీ, ఓపీఎస్, ప్రమోషన్ల హామీలను నెరవేర్చాలని డిమాండ్ చేశారు. డీఏల పెండింగ్పై ప్రభుత్వం శ్వేతపత్రం విడుదల చేయాలని, పీఆర్సీ అమలుకు స్పష్టమైన కార్యాచరణ ప్రకటించాలని కోరారు. సీపీఎస్ సమస్య పరిష్కారానికి మళ్లీ కమిటీ ఏర్పాటు చేయడం కాలయాపనకే దారితీస్తుందని రాకేష్రెడ్డి అన్నారు. ఉద్యోగ సంఘాలు సమస్యలను ప్రస్తావిస్తే కమిటీలు వేయడం కాకుండా కాలపరిమితితో పరిష్కారం చూపాలని డిమాండ్ చేశారు. సీపీఎస్ రద్దు చేసి ఓపీఎస్ అమలు చేయాలని కోరారు.
ఈహెచ్ఎస్పై స్పష్టత ఇవ్వాలి
ఉద్యోగుల వేతనాల నుంచి ఈహెచ్ఎస్ కోసం మొత్తాలు కట్ చేస్తున్నప్పటికీ వైద్య సేవలు పూర్తిస్థాయిలో అందుబాటులో లేవని రాకేష్రెడ్డి విమర్శించారు. ఉద్యోగుల నుంచి ఇప్పటివరకు కట్ చేసిన మొత్తాల వినియోగంపై ప్రభుత్వం స్పష్టత ఇవ్వాలని, ఈహెచ్ఎస్ను పూర్తిస్థాయిలో అమలు చేయాలని డిమాండ్ చేశారు. రిటైర్డ్ ఉద్యోగులకు రావాల్సిన పెన్షన్, గ్రాట్యుటీ, ఇతర బకాయిలను వెంటనే చెల్లించాలని కోరారు. ఆశా వర్కర్లు, అంగన్వాడీ సిబ్బంది, గ్రామపంచాయతీ సిబ్బంది, మున్సిపల్ కార్మికులు, ఫీల్డ్ అసిస్టెంట్లు, హోంగార్డులు, 104, 108 సిబ్బంది, ఆర్పీలు, వీవోఏల సమస్యలను పరిష్కరించాలని రాకేష్రెడ్డి కోరారు. కాంట్రాక్ట్, ఔట్సోర్సింగ్ ఉద్యోగులకు న్యాయం చేయాలని డిమాండ్ చేశారు. పీఆర్సీ, డీఏలు, ఓపీఎస్, ఈహెచ్ఎస్, రిటైర్డ్ ఉద్యోగుల బకాయిలు, చిరు ఉద్యోగుల వేతనాలపై ప్రభుత్వం స్పష్టమైన టైమ్లైన్ ప్రకటించాలని అన్నారు. ఉద్యోగులు ప్రభుత్వానికి వ్యతిరేకులు కాదని, ప్రభుత్వ వ్యవస్థలో భాగమని రాకేష్రెడ్డి అన్నారు. వారి సమస్యలను కమిటీలతో, వాయిదాలతో కాకుండా చర్చల ద్వారా పరిష్కరించాలని డిమాండ్ చేశారు. ఉద్యోగులు, ఉపాధ్యాయులు, కాంట్రాక్ట్, ఔట్సోర్సింగ్, రిటైర్డ్ ఉద్యోగుల తరఫున బీఆర్ఎస్ ప్రభుత్వాన్ని ప్రశ్నిస్తూనే ఉంటుందని స్పష్టం చేశారు.
