నీటి వృథాపై జలమండలి కొరడా
ప్యారడైజ్‌ హోటల్‌కు రూ.20 వేల జరిమానా
తనిఖీల్లో తాగునీటి దుర్వినియోగం గుర్తింపు
నిబంధనలు ఉల్లంఘిస్తే చర్యలు తప్పవని హెచ్చరిక
కాకతీయ, హైదరాబాద్ : తాగునీటిని దుర్వినియోగం చేసినందుకు హోటల్‌ ప్యారడైజ్‌ యాజమాన్యానికి జలమండలి రూ.20 వేల జరిమానా విధించింది. ఖైరతాబాద్‌ జోన్‌ పరిధిలోని 16వ డివిజన్‌ అధికారులు నిర్వహించిన తనిఖీల్లో హోటల్‌లో నీటి దుర్వినియోగాన్ని గుర్తించారు. ఈ నేపథ్యంలో హోటల్‌ వినియోగదారు ఖాతా సంఖ్య 612182839పై జరిమానా విధించినట్లు అధికారులు తెలిపారు. తాగునీటిని వృథా చేయకుండా పొదుపుగా వినియోగించాలని హోటల్‌ యాజమాన్యానికి సూచించారు. నీటి దుర్వినియోగానికి పాల్పడితే నిబంధనల ప్రకారం చర్యలు తీసుకుంటామని జలమండలి అధికారులు హెచ్చరించారు. తాగునీటి వనరులను సంరక్షించేందుకు ప్రతి ఒక్కరూ బాధ్యతగా వ్యవహరించాలని సూచించారు.
