ప్రమాదాల నివారణే లక్ష్యం
వర్ధన్నపేట,రాయపర్తిలో రోడ్డు ప్రమాద స్థలాల పరిశీలన
వరంగల్ పోలీస్ కమిషనర్ ఎన్.శ్వేత
కాకతీయ,రాయపర్తి/వర్ధన్నపేట : రహదారులపై వరుస ప్రమాదాలకు అడ్డుకట్ట వేసి ప్రయాణికుల ప్రాణాలకు రక్షణ కల్పించడమే ప్రధాన లక్ష్యమని వరంగల్ పోలీస్ కమిషనర్ ఎన్.శ్వేత అన్నారు.మంగళవారం వరంగల్ -ఖమ్మం జాతీయ రహదారిపై వర్ధన్నపేట,రాయపర్తి మండలాల పరిధిలో జరుగుతున్న ప్రమాద స్థలాలను(బ్లాక్ స్పాట్స్) రోడ్డు రవాణా,నేషనల్ హైవేస్ అథారిటీ(ఎన్ హెచ్ఎఐ) అధికారులతో కలిసి ఆమె పరిశీలించారు.ప్రమాదాలు ఎక్కువగా సంభవిస్తున్న ప్రదేశాల్లో అవసరమైన చోట రోడ్డు వెడల్పు,కల్వర్టుల వద్ద రక్షణ గోడలు నిర్మించాలని సంబంధిత అధికారులకు సూచించారు.రాత్రి వేళల్లో సైతం మలుపులు స్పష్టంగా కనిపించేలా రేడియం సూచిక బోర్డులు,బ్లింకర్ లైట్లు ఏర్పాటు చేయాలన్నారు. మితిమీరిన వేగం,రాంగ్ రూటు డ్రైవింగ్,మద్యం సేవించిన వాహనాలు నడిపే వారిపై ప్రత్యేక నిఘా ఉంచాలని పోలీసులను ఆదేశించారు.కేవలం జరిమానాలు విధించడమే కాకుండా, క్షేత్రస్థాయిలో ప్రజలకు అవగాహన కల్పించడంపై దృష్టి సారించాలన్నారు.అనంతరం రాయపర్తి పోలీస్ స్టేషన్ ఆవరణంలో పోలీస్ అధికారులు,సిబ్బందితో కలిసి ప్రత్యేక సమీక్షా సమావేశం నిర్వహించారు.శాంతి భద్రతల పరిరక్షణ,కేసుల పురోగతిపై పలు సూచనలు చేసారు.ఈ కార్యక్రమంలో వెస్ట్ జోన్ డీసీపీ రాజమహేంద్ర నాయక్, వర్ధన్నపేట ఏసీపీ అంబటి నర్సయ్య,సీఐ వై.సంజీవరావు, ఎస్సైలు ముత్యం రాజేందర్,సాయి బాబ, వర్ధన్నపేట మున్సిపల్ చైర్మన్ పాలకుర్తి సారంగపాణి,పోలీసు సిబ్బంది పాల్గొన్నారు.
