నాగ సుబ్రహ్మణ్యేశ్వరుడికి జిల్లా సెషన్స్ కోర్టు జడ్జి పూజలు
కాకతీయ, గీసుగొండ : ఊకల్ నాగ సుబ్రహ్మణ్యేశ్వరుడికి మంగళవారం విశేష పూజలు నిర్వహించారు. మండలంలోని ఊకల్ హవేలీ గ్రామంలో కొలువుదీరి ఉన్న శ్రీవల్లీ దేవసేన సమేత నాగ సుబ్రహ్మణ్యేశ్వర స్వామి దేవాలయంలో ఆలయ ప్రధాన అర్చకులు సముద్రాల సుదర్శన చార్యులు స్వామివారికి పంచామృత అభిషేకం నిర్వహించి, వైదిక మంత్రోచ్ఛరణల నడుమ విశేష పూజలు నిర్వహించారు. అనంతరం స్వామివారిని వివిధ రకాల పూలతో ప్రత్యేకంగా అలంకరించారు. ఈ సందర్భంగా వరంగల్ జిల్లా సెషన్స్ కోర్టు న్యాయమూర్తి నిర్మల గీతాంబ స్వామివారిని దర్శించుకుని ప్రత్యేక పూజలు నిర్వహించారు. ఆలయ ప్రధాన అర్చకులు స్వామివారి విశేషతను న్యాయమూర్తికి వివరించారు.అదేవిధంగా గీసుగొండ సీఐ విశ్వేశ్వర్ స్వామివారిని దర్శించుకుని ప్రత్యేక పూజలు నిర్వహించారు.ఈ కార్యక్రమంలో ఆలయ కమిటీ చైర్మన్ తిమ్మాపురం రాజేశ్వరరావు, కోశాధికారి కొత్తగట్టు రాజేందర్, గ్రామ సర్పంచ్ కక్కర్ల సుభాష్, పంచాయతీ కార్యదర్శి రజిత, కమిటీ సభ్యులు, గ్రామస్తులు పాల్గొన్నారు.
