శంకరపట్నంలో సేవా సంకల్ప్‌ యాత్రకు స్వాగతం
టీఎన్‌ఎస్‌ఎఫ్‌ రాష్ట్ర వీఎంఆర్‌డీఏ చైర్మన్‌ ప్రణవ్‌ గోపాల్‌ ఆధ్వర్యంలో యాత్ర
కాకతీయ, శంకరపట్నం : ప్రధాని నరేంద్ర మోదీ 25 ఏళ్ల స్వపరిపాలన పూర్తయిన సందర్భంగా ఆంధ్రప్రదేశ్‌ రాష్ట్ర టీడీపీ అనుబంధ టీఎన్‌ఎస్‌ఎఫ్‌ ఆధ్వర్యంలో తిరుమల తిరుపతి దేవస్థానం నుంచి వారణాసి వరకు చేపట్టిన ‘సేవా సంకల్ప్‌’ బైక్‌ యాత్ర శనివారం శంకరపట్నం మండలానికి చేరుకుంది. ఈ సందర్భంగా మండల టీడీపీ, బీజేపీ నాయకులు యాత్రికులకు ఘన స్వాగతం పలికారు. యాత్రకు నాయకత్వం వహిస్తున్న టీఎన్‌ఎస్‌ఎఫ్‌ రాష్ట్ర వీఎంఆర్‌డీఏ చైర్మన్‌ ప్రణవ్‌ గోపాల్‌, తెలుగు యువత రాష్ట్ర అధ్యక్షుడు పొగాకు జయరాం, షాప్‌ చైర్మన్‌ అనిమిని రవినాయుడు తదితరులకు పూలమాలలు వేసి, మంగళహారతులతో స్వాగతం పలికారు. యాత్ర విజయవంతంగా కొనసాగాలని ఆకాంక్షించారు. కార్యక్రమంలో బీజేపీ రాష్ట్ర కౌన్సిల్‌ సభ్యుడు దండు కొమురయ్య, టీడీపీ అడహాక్‌ కమిటీ కరీంనగర్ పార్లమెంట్‌ సభ్యుడు మోరే ప్రభాకర్‌, నాయకులు దొంగల రాములు, నిమ్మశెట్టి సంపత్‌, రాసమల్ల శ్రీనివాస్, బైరి తిరుపతి, బిజిలి సారయ్య, గుళ్ల రాజు, కాంతాల రాజిరెడ్డి, పోతునూరి రాజు, బొంతల రవి, సాగర్‌, కొమురయ్య, కోమల్‌రెడ్డి, గోపి, వీరమల్లు, మల్లేశం, సమ్మయ్య, మహబూబ్‌ అలీ, కమలాకర్‌రెడ్డి తదితరులు పాల్గొన్నారు.
