రూ.23 లక్షలతో కాలువ అభివృద్ధి
ఎస్సారెస్పీ మైనర్‌ కాలువలో పూడికతీత
37 కిలోమీటర్ల మేర చెట్ల తొలగింపు పనులు
రైతులకు ఇబ్బందులు లేకుండా చర్యలు
: ఎమ్మెల్యే డా. భూక్యా మురళి నాయక్‌
కాకతీయ, నెల్లికుదురు: రైతులకు సాగునీటి సరఫరాలో ఇబ్బందులు తలెత్తకుండా కాలువల అభివృద్ధికి చర్యలు తీసుకుంటున్నామని ఎమ్మెల్యే డాక్టర్‌ భూక్యా మురళి నాయక్‌ తెలిపారు. సోమవారం నెల్లికుదురు మండలం ఆలేరు గ్రామం వద్ద ఎస్సారెస్పీ డీబీఎం-48 మైనర్‌ కాలువ అభివృద్ధి పనులను రూ.23 లక్షలతో ఆయన ప్రారంభించారు. సుమారు 37 కిలోమీటర్ల పొడవున కాలువలో పెరిగిన చెట్ల తొలగింపు, పూడికతీత పనులు చేపట్టనున్నారు. ఈ పనులతో నీటి ప్రవాహానికి ఆటంకాలు తొలగి, సాగునీరు సక్రమంగా ప్రవహిస్తుందని ఎమ్మెల్యే పేర్కొన్నారు. పనులను నాణ్యతతో, త్వరితగతిన పూర్తి చేసి రైతులకు ప్రయోజనం చేకూర్చాలని సంబంధిత అధికారులకు సూచించారు. రైతుల సంక్షేమం, వ్యవసాయ అభివృద్ధికి ప్రభుత్వం ప్రాధాన్యం ఇస్తోందన్నారు. ఈ కార్యక్రమంలో నీటిపారుదల శాఖ డీఈ రాందాస్‌, ఏఈ సుష్మ, ఆలేరు సర్పంచ్‌ నాయిని పద్మ సత్యపాల్‌రెడ్డి, మండల పార్టీ అధ్యక్షుడు ఎదల్ల యాదవ రెడ్డి, ఇనుగుర్తి మండల పార్టీ అధ్యక్షుడు బైరు అశోక్‌గౌడ్‌, వివిధ గ్రామాల సర్పంచులు, ఉపసర్పంచులు, నాయకులు, కార్యకర్తలు పాల్గొన్నారు.
